So Hee ស្លៀករ៉ូបស ចាយរាងឡើងស្រស់ស្អាត ដូចព្រះនាង

កូរ៉េខាងត្បូង៖ Han So Hee គឺជាតារាសម្ដែងឆ្នើមមួយរូបនៅប្រទេសកូរ៉េខាងត្បូងដែលទទួលបានប្រជាប្រិយភាពខ្លាំង ហើយនាងក៏មានអ្នកគាំទ្រជាច្រើនផងដែរ បើទោះបីជានាងមានរឿងអាស្រូវជាមួយអតីតមិត្តប្រុសកាលពីដើមឆ្នាំ២០២៤នេះក្ដី។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កាលពីថ្ងៃទី៨ខែវិច្ឆិកាកន្លងទៅនេះ So Hee បានធ្វើឲ្យអ្នកគាំទ្រមានការចំហមាត់ភ្ញាក់ផ្អើលនឹងសម្រស់របស់នាង នៅពេលនាងបង្ហាញខ្លួនក្នុងកម្មវិធី Boucheron នៅឯទីក្រុងសេអ៊ូល ដែលគ្រាន់តែនាងដើរចេញមក កាំមេរ៉ាគ្រប់ប្លង់បានចាប់ថតរូបនាងឡើងឆ្វាច។

So Hee បានចេញមកបង្ហាញខ្លួនជាមួយនឹងរ៉ូបពណ៌សស្អាតបែបរឹបរាង ជារ៉ូបចោមពុងឆែកឃើញគល់ទ្រូង និងមានប៉ាក់ឌិននៅលើតួរ៉ូប ខណៈសម្រុងវិញដល់ត្រឹមកជើងនិងឆែកភ្លៅខាងឆ្វេង មើលទៅពិតជាថ្លៃថ្នូរនិងស្រស់ស្អាត។ So Hee ក៏បានលេងម៉ូតជាមួយស្បែកជើងកែងពណ៌ស និងគ្រឿងអលង្ការដ៏ស្រស់ស្អាត ជាមួយនឹងការតុបតែងផ្ទៃមុខបែបនារីទន់ភ្លន់ ធ្វើឲ្យនាងមើលទៅពិតជាស្រស់ស្អាតបែបព្រះនាង៕

ប្រភព៖: koreaboo

• រូបភាព
• តារាកូរ៉េ