Park Bom ប្រែខ្លាំងណាស់ ក្នុងរូបភាពថ្មី

កូរ៉េខាងត្បូង៖ ដូចដែលប្រិយមិត្តបានជ្រាបហើយថា Park Bom ដែលជាសមាជិកមានសំឡេងក្រអៅក្រអួនគ្មានពីរ ប្រចាំក្រុម 2NE1 បានវិលត្រឡប់មកអង្រួនឆាកតន្ត្រីម្ដងទៀតជាមួយនឹងការប្រគុំតន្ត្រីទេសចរណ៍ជុំវិញពិភពលោក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ការប្រគុំតន្ត្រីទេសចរណ៍នេះមានឈ្មោះថា "Welcome Back" ជាការស្វាគមន៍ការត្រឡប់មកវិញរបស់ពួកគេក្នុងនាមជាក្រុមជាមួយសមាជិកទាំងបួន ដូច្នេះហើយទើប Park Bom ដែលកាលពីមុនរាងឡើងគីឡូនិងមានសាច់នោះ ត្រូវតែឆ្លងកាត់ការសម្រកគីឡូដើម្បីរាំបានយ៉ាងងាយស្រួល។

ក្នុងនោះនាងបានចែករំលែករូបភាពថ្មីៗទាក់ទងនឹងរូបរាងឥឡូវរបស់នាង ហើយរូបភាពចុងក្រោយនេះ ដែលបង្ហោះនាថ្ងៃទី៨ខែវិច្ឆិការនេះ នាងបានធ្វើឲ្យអ្នកគាំទ្រភ្ញាក់ផ្អើល ក្រោយឃើញរូបរាងឥឡូវរបស់នាងអំឡុងពេលហ្វឹកហាត់ត្រៀមសម្រាប់ការប្រគុំតន្ត្រីនៅហ្វីលីពីន។ ក្នុងនោះគេឃើញថារូបរាងរបស់នាងហាក់ស្រកគីឡូជាងមុន និងមានផ្ទៃមុខស្រស់ស្អាតមើលទៅដូចតុក្កតា ធ្វើឲ្យអ្នកគាំទ្រសរសើរថានាងពិតជាជោគជ័យក្នុងការសម្រកគីឡូពិតមែន៕

ប្រភព៖: allkpop

• រូបភាព
• តារាកូរ៉េ