Taylor Swift ស្ដីឲ្យអង្គ»-រក្សដោយសារ គេធ្វើបែបនេះដាក់ អ្នកថតរូប

កម្សាន្ត៖ Taylor Swift គឺជាកំពូលតារាចម្រៀងអាមេរិក ដែលមានភាពល្បីល្បាញខ្លាំងមែនទែន ដែលចាត់ទុកជាតារាចម្រៀងឈានមុខគេក្នុងឧស្សាហកម្មតន្ត្រី ហើយនាងក៏មានអ្នកគាំទ្រច្រើនមកពីជុំវិញពិភពលោកផងដែរ ដូច្នេះហើយទើប រាល់ពេលនាងបង្ហាញខ្លួននៅទីណាម្ដងៗ តែងតែទាក់ទាញការចាប់អារម្មណ៍។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះ Taylor Swift បានចូលរួមលើកទឹកចិត្តមិត្តប្រុសនាង Travis Kelce ក្នុងការប្រកួតរបស់ Kansas City Chiefs ជាមួយនឹង Denver Broncos នាថ្ងៃអាទិត្យទី១០ខែវិច្ឆិកាកន្លងទៅនេះ ដោយនាងបានស្លៀកឈុតអាវធំពណ៌ក្រហមគូជាមួយសំពត់ខ្លីពាក់កណ្ដាលភ្លៅ ដោយមានអាវរឹបពណ៌ខ្មៅពីខាងក្នុង ជាមួយនឹងស្បែកជើងប៊ូតពណ៌ខ្មៅកវែង មើលទៅពិតជាស្រស់ស្អាតនិងកាលីបមែនទែន។

ប៉ុន្តែនោះមិនមែនជាអ្វីដែលគេចាប់អារម្មណ៍ខ្លាំងទេ ព្រោះគេចាប់អារម្មណ៍ពីវិធីដែល Taylor Swift បានស្ដីបន្ទោសនិងកែតម្រូវក្រុមអង្គរក្សរបស់នាងពេលនាងបង្ហាញខ្លួននៅ Arrowhead Stadium ដោយអង្គរក្សនាងស្រែកខ្លាំងៗដាក់អ្នកកាសែតថា "ថយចេញ!" បន្ទាប់មក Taylor Swift បានឮនិងបានកែតម្រូវថា "សូមមេត្តាថយចេញ" វិញដែលជាពាក្យមួយគួរសម។ បន្ទាប់ពីឮដូច្នេះ Taylor Swift ត្រូវបានគេកោតសរសើរថាទោះបីនាងជាតារាល្បីលំដាប់ថ្នាក់ពិភពលោកមែនតែនាងមានសុជីវធម៌ខ្ពស់ និងតែងតែគោរពមនុស្សជុំវិញខ្លួន៕  

ប្រភព៖: pagesix

• រូបភាព
• តារាអន្តរជាតិ