Lisa ចេញសម្ដែងលើកដំបូង ជាតួបុគ្គលិករីសត ក្នុងរឿង "The White Lotus"

កម្សាន្ត៖ Lisa ដែលជាសមាជិកក្រុមចម្រៀងនារី BLACKPINK គឺជាតារាចម្រៀងដ៏មានឥទ្ធិពលនិងល្បីឈ្មោះខ្លាំងណាស់ដោយនាងមានចំនួន អ្នកតាមដាននៅលើ Instagram ច្រើនជាងតារា KPOP ដទៃទៀត ហើយនាងមិនត្រឹមតែល្បីឈ្មោះនៅកូរ៉េខាងត្បូងប៉ុណ្ណោះទេ ពេលនេះ Lisa បានបោះជំហានចូលវិស័យចម្រៀងនៅអាមេរិកផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បន្ទាប់ពីបញ្ចេញបទ "Moonlit Floor" មក ឥឡូវនេះវីដេអូដែល Lisa បានចូលរួមសម្ដែងនៅក្នុងរឿង "The White Lotus" រដូវកាលទី៣ ដែលចាក់ដោយប៉ុស្តិ៍ទូរទស្សន៍ HBO នោះបានបញ្ចេញ Trailer ហើយ ដោយត្រៀមនឹងចាក់ផ្សាយនាឆ្នាំ២០២៥។

ក្នុងនោះ Lisa បានដើរតួជានារីឈ្មោះ Mook ជាបុគ្គលិកបម្រើការនៅរីសត ដោយនៅក្នុងវីដេអូនោះ Lisa បានញញិមស្ញេញនិងរាក់ទាក់ភ្ញៀវថា "សូមស្វាគមន៍មកកាន់ White Lotus នៅប្រទេសថៃចា៎" ខណៈដែលនាងបានតុបតែងខ្លួនយ៉ាងសាមញ្ញ និងស្លៀកពាក់ឈុតបុគ្គលិករីសត ដែលធ្វើឲ្យអ្នកគាំទ្រសរសើរថានាងទទួលថតសូម្បីតែតួអ្នកបម្រើរីសតបែបនេះ គឺមានន័យថានាងពិតជាដាក់ខ្លួនខ្លាំងណាស់៕  

ប្រភព៖: allkpop

• រូបភាព
• តារាថៃ
• តារាកូរ៉េ