អបអរ Paing Takhon សុំគូស្នេហ៍រៀបការ យ៉ាងផ្អែមល្ហែម

កម្សាន្ត៖ បានធ្វើឲ្យហ្វេនៗជាច្រើន រំភើបរីករាយ ក្រោយពី​តារាសម្ដែងមីយ៉ាន់ម៉ា លោក Paing Takhon បាន​ប្រកាស​ដំណឹង​ល្អ​ បង្ហាញរូបភាពសុំមិត្ត​ស្រី​រៀបការ នៅលើបណ្ដាញសង្គម។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ នៅលើទំព័រ Facebook លោក Paing Takhon បានបង្ហោះវីដេអូឃ្លីបខ្លីរយៈពេល ១០ វិនាទី ដែលបង្ហាញពីពេលវេលា ដ៏ពិសេសនៅពេលដែល រូបលោកបានលុតជង្គង់សុំមិត្តស្រីរបស់ខ្លួនរៀបការ នៅតាមបណ្តោយទន្លេ Han ក្នុងទីក្រុងសេអ៊ូល កូរ៉េខាងត្បូង។ 

នៅក្នុង​សំណើ​ដ៏​ភ្ញាក់​ផ្អើល​នោះ មិត្ត​ស្រី​របស់​លោក Paing Takhon បាន​និយាយ​យល់ព្រម ហើយ​ក្នុង​វីដេអូ​ឃ្លីប​នោះ​ ក៏បាន​សរសេរ​ពាក្យ​ថា «She Said Yes»។ ជាពិសេស ​ក៏​មាន​ឃ្លីប​ពេញ​ក្នុង​យូធូប​ ដែលបានបង្ហាញ​ចិញ្ចៀន​ភ្ជាប់​ពាក្យ​ ដែលជា​ចិញ្ចៀន​ពេជ្រ​យ៉ាង​ធំ ទៀតផង។

ក្រោយ​វីដេអូ​ឃ្លីប​សំណើ​សុំ​រៀបការ ​ត្រូវ​បាន​បញ្ចេញ​មក ក៏មាន​អ្នក​គាំទ្រ​ជា​ច្រើន ​បាន​អបអរសាទរ​ចំពោះតារាសម្ដែងរូបនេះ ដោយ​រីករាយ ព្រម​ទាំង​ជូនពរ​ឱ្យ​អ្នក​ទាំង​ពីរ​ ស្រលាញ់​គ្នា​យូរ​អង្វែង​ ផងដែរ៕

ប្រភព​៖ Kapook

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ