ចូលរួមរំលែកទុក្ខ! តារាសម្ដែងកូរ៉េរូបនេះ បានលាចាកលោកហើយ ដោយសង្ស័យ ធ្វើអ»-ត្ត»-ឃា»-ត

កូរ៉េខាងត្បូង៖ មានការរាយការណ៍ពីសារព័ត៌មានកូរ៉េជាច្រើនថា តារាសម្ដែងប្រុស Song Jae Rim បានទទួលមរណភាពហើយ ក្នុងវ័យ៣៩ឆ្នាំ កាលពីថ្ងៃទី១២ខែវិច្ឆិកាកន្លងទៅ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ព័ត៌មានដ៏រន្ធត់នេះបានចុះផ្សាយភ្លាមៗ បន្ទាប់ពីគេបានរកឃើញសាកសពរបស់តារាប្រុសរូបនេះនៅក្នុងអាផាតមិនផ្ទាល់ខ្លួនរបស់គេ នាតំបន់ Seongdong ព្រមជាមួយនឹងបណ្ដាំមុនធ្វើអត្តឃាតចំនួនពីរសន្លឹក ដែលគេសង្ស័យថា តារាសម្ដែងប្រុសរូបនេះបានធ្វើអត្តឃាតខ្លួនឯង ដោយមុនកើតហេតុ រូបគេបានអញ្ជើញមិត្តមកទទួលទានអាហារជាមួយគ្នានៅក្នុងអាផាតមិននោះ។

ពិធីបុណ្យសពរបស់លោក Jae Rim នឹងធ្វើឡើងនាមន្ទីរពេទ្យ Seoul Yeouido St.Mary ដែលគ្រួសាររបស់គេនឹងរៀបចំឡើងនាថ្ងៃទី១៤វេលាថ្ងៃត្រង់ ខណៈសពគេនឹងកប់នៅ Seoul City Crematorium ។

គួរបញ្ជាក់ផងដែរថា តារាសម្ដែងប្រុស Song Jae Rim បានចូលរួមសម្ដែងនៅក្នុងរឿងភាគកូរ៉េល្បីៗដូចជា "The Moon Embracing The Sun" , "Inspire Generation", "Two Weeks" , "Goodbye, Mr.Black"និង "Queen Woo" ជាដើម៕  

ប្រភព៖: allkpop

• រូបភាព
• តារាកូរ៉េ