Kim Kardashian បង្ហាញអារម្មណ៍ បែបនេះ ក្រោយ»»-លែ»»-ង»»-លះ»»-គ្នា

កម្សាន្ត៖ មហាសេដ្ឋី Kim Kardashian បានចែករំលែកទុក្ខលំបាក នៃការក្លាយជាម្តាយទោល ដែលមានកូន ៤ នាក់ ដែលខ្វះការគាំទ្រពីឪពុករបស់កូន គឺតារាចម្រៀងរ៉េប លោក Kanye West ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយនឹងការជជែក ជាមួយមិត្តជិតស្និទ្ធ Zoe Winkler នៅក្នុងផតឃែស្ថ What in the Winkler? កាលពីថ្មីៗនេះ តារាស្រី Kim Kardashian បានសារភាពថា «ពេលខ្លះ ខ្ញុំមានអារម្មណ៍ឯកោ ក្នុងការចិញ្ចឹមកូន ទោះបីជាខ្ញុំមានប្រព័ន្ធគាំទ្រដ៏ល្អ និងមានមនុស្សជាច្រើន នៅជុំវិញខ្ញុំដើម្បីជួយក៏ដោយ» ។

តារា​វ័យ ៤៤ ឆ្នាំ​រូប​នេះ ​បាន​និយាយ​ថា មាន​ពេល​ខ្លះ​ ​នាង​មាន​អារម្មណ៍​អស់​សង្ឃឹម និង​អស់​កម្លាំង ជាពិសេស ដូចជា​ពេលនៅ​ពាក់​កណ្តាល​អធ្រាត្រ «កូនៗ​ដេក​លើ​គ្រែ​របស់​នាង ទាត់​ឡើង​ចុះ យំ ហើយ​ក៏ភ្ញាក់​ឡើង»។ មិនត្រឹមតែប៉ុណ្ណោះ នាង​បាន​សារភាព​ថា​ «​ខ្ញុំ​មិន​និយាយ​រឿង​នេះ​ញឹកញាប់​ទេ​ ព្រោះ​មនុស្ស​នឹង​វិនិច្ឆ័យ​ថា អ្នក​មាន​លុយ​គ្រប់​គ្រាន់​សម្រាប់​ជួល​អ្នក​ចិញ្ចឹម និង​អ្នក​បម្រើ មាន​អ្វី​ត្រូវ​ត្អូញត្អែរ​ពី​រឿង​ហ្នឹង។ ប៉ុន្តែ​មិន​ថា​ខ្ញុំ​មាន​ជំនួយ​អ្វី​ទេ ខ្ញុំ​ចិញ្ចឹម​កូន​បួន​នាក់​ដោយខ្លួនខ្ញុំ»។

គួររំឮកផងដែរ នៅពេលដែល Kim Kardashian និង Kanye West បានលែងលះគ្នានៅចុងឆ្នាំ ២០២២ អតីតប្តីប្រពន្ធនេះ បានយល់ព្រមចែករំលែក ការមើលថែកូនរបស់ពួកគេ។ ទោះជាយ៉ាងណាក៏ដោយ កូនៗភាគច្រើនរស់នៅ ជាមួយម្តាយក្នុងវីឡាគ្រួសារ ដើម្បីកុំឱ្យមានការរំខានដល់ការរស់នៅ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ