Angelina Jolie និយាយពីរឿងមួយនេះ ពីកូនៗ ត្រូវគេចាប់អារម្មណ៍ គ្រប់គ្នា

កម្សាន្ត៖ តារា​សម្ដែង Angelina Jolie បាន​និយាយ​ថា កូនៗ​របស់​នាង​ គឺ​ជា​អ្វី​គ្រប់​យ៉ាង​សម្រាប់​នាង ហើយ​គ្មាន​អ្វី​ផ្សេង​ទៀត​ ដែល​សំខាន់​ជាងនេះ ​នោះ​ទេ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងការថ្លែងក្នុងកម្មវិធី Good Morning America តារាសម្ដែងស្រី Angelina បានចែករំលែកថា សម្រាប់នាង ភាពជាម្តាយគឺជាការផ្តោតសំខាន់ក្នុងជីវិត ដូចជាការច្រៀងដែលមានសារៈសំខាន់បំផុតចំពោះ Maria Callas ដែលជាសិល្បករល្ខោនអូប៉េរ៉ាដែលជាតួអង្គដែលនាងសម្តែងក្នុងខ្សែភាពយន្តថ្មី Maria ។ តារាស្រីរូបនេះ បានសារភាពថា «កូនរបស់ខ្ញុំគឺជាសុភមង្គលរបស់ខ្ញុំ។ អ្នកអាចយកអ្វីៗផ្សេងទៀតចេញពីខ្ញុំ គ្មានអ្វីសំខាន់ទេ»។ 

Angelina គឺជាអ្នកម្តាយដែលមានកូនចំនួន ៦ នាក់ នៅក្នុងនោះមានកូនចិញ្ចឹមបីនាក់និងកូនបង្កើតបីនាក់ គឺ Maddox អាយុ ២៣ ឆ្នាំ Pax អាយុ ២០ ឆ្នាំ Zahara អាយុ ១៩ ឆ្នាំ Shiloh អាយុ ១៨ ឆ្នាំ និងកូនភ្លោះ Knox និង Vivienne អាយុ ១៦ ឆ្នាំ។ ហើយកូនៗបាននៅជាមួយ Angelina តាំងពី នាងបានលែងលះជាមួយតារាសម្តែង Brad Pitt ក្នុងឆ្នាំ ២០១៦៕

ប្រភព៖​ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ