ជប៉ុន៖ កាលពីយប់ថ្ងៃទី២២ខែវិច្ឆិកាឆ្នាំ២០២៤ កន្លងទៅនេះ មានការរៀបចំកម្មវិធីប្រគល់ពានរង្វាន់ Mnet Asian Music Award (MAMA) ឆ្នាំ២០២៤ ដែលមានការចូលរួមពីសំណាក់តារា KPOP ជាច្រើន។
ក្នុងនោះ អ្វីដែលគេចាប់អារម្មណ៍ខ្លាំងគឺ Rosé ដែលជាសមាជិកក្រុមចម្រៀងនារី BLACKPINK ក៏មានវត្តមាននៅក្នុងកម្មវិធីនេះ ទន្ទឹមជាមួយនឹង Bruno Mars ជាតារាចម្រៀងអាមេរិកដ៏ល្បី ដែលអ្នកទាំងពីរជាម្ចាស់បទកំពុងផ្ទុះកក្រើក "APT." ។
យ៉ាងណាមិញ ការបង្ហាញវត្តមានរបស់ពួកគេគឺគ្រាន់តែចូលរួមជាភ្ញៀវកិត្តិយសប៉ុណ្ណោះ ដោយអ្នកទាំងពីរពុំបានច្រៀង Live នៅក្នុងកម្មវិធីនេះទេ។ ជំនួសមកវិញ ការសម្ដែងបទ "APT." របស់ពួកគេនៅ MAMA 2024 នេះគឺជាការសម្ដែងថតទុកមុន (Pre-Record) ទៅវិញ។
បន្ទាប់ពីឃើញដូច្នេះ អ្នកគាំទ្រមានការខកចិត្តជាខ្លាំងព្រោះរំពឹងទុកថាពួកគេនឹងច្រៀង Live ប៉ុន្តែយ៉ាងណាមិញ អ្នកគាំទ្រខ្លះទៀតក៏គិតថា Bruno Mars អាចនឹងមានកាលវិភាគរវល់ខ្លាំង ពុំអាចសម្ដែងនៅលើឆាក MAMA 2024 បាននោះឡើយខណៈដែលអ្នកទាំងពីរបានឈ្នះពាន Global Sensation Award នៅ MAMA ផងដែរ៕
ប្រភព៖: allkpop
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
