តែងមុខបែបអឺរ៉ុប Lisa ឡើងប្លែ»-កខ្លាំង មើលសឹងមិនស្គាល់ នៅកន្លែងប្រណាំងឡាន

សហរដ្ឋអាមេរិក៖ Lisa ដែលជាសមាជិកក្រុមចម្រៀងនារី BLACKPINK គឺជាតារាស្រីម្នាក់ដ៏មានឥទ្ធិពលទាំងលើវិស័យតន្ត្រី និងវិស័យកម្សាន្ត ហើយជារឿយៗនាងតែងតែត្រូវអ្នកគាំទ្រចាប់អារម្មណ៍ ពេលបង្ហាញខ្លួននៅកន្លែងនានា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែងកាលពីថ្ងៃទី២៥ខែវិច្ឆិកាកន្លងទៅ Lisa បានបង្ហាញវត្តមានក្នុងការប្រកួតប្រណាំងឡាន Formula 1 ធ្វើឡើងនៅឯ Las Vegas សហរដ្ឋអាមេរិក គឺនៅឯ Las Vegas Grand Prix ជាមួយនឹងស្ទាយ៍ក៏ដូចជាការតុបតែងមុខបែបប្លែកថ្មី។

ក្នុងនោះ Lisa បានតុបតែងមុខបែបអឺរ៉ុប ជាមួយនឹងការប្ដូរឡេនភ្នែក ដាក់គូល័រថ្ពាល់រាងដិតជាងមុន ខណៈសាច់មុខផាត់ពណ៌បែកត្នោត ដូចទៅនឹងបបូរមាត់នាងពណ៌រាង Nude ហើយអ្វីដែលសំខាន់នោះ នាងបានទម្លាក់សក់សេះផាត់មកចំហៀង ជាមួយនឹងការតែងខ្លួនសាមញ្ញ គឺពាក់អាវពណ៌ទឹកក្រូវមានចងខ្សែរុំក ខោខោប៊យនិងអាវធំពណ៌ខ្មៅពីខាងក្រៅ ដែលពិតជាមើលទៅ ឃើញនាងស្រស់ស្អាតមួយបែប ខណៈដែលអ្នកគាំទ្របានសរសើរថានាងលេងស្ទាយ៍អ្វីក៏មើលចូលភ្នែកដែរ៕

ប្រភព៖: allkpop

• រូបភាព
• តារាថៃ
• តារាកូរ៉េ