ព្រឹត្តិការណ៍ “Colour the Sky” ៖ ជាព្រឹត្តិការណ៍បង្ហោះខ្លែងដ៏ធំមួយ ដែលធ្វើនៅរាជធានីភ្នំពេញ នៅក្នុងខែធ្នូ ២០២៤ ខាងមុខនេះ

រាជធានីភ្នំពេញ កំពុងត្រៀមរៀបចំព្រឹត្តិការណ៍ " Colour the Sky " ដ៏រំភើប និងអស្ចារ្យ។ កម្មវិធីបង្ហោះខ្លែងនេះនឹងប្រព្រឹត្តទៅចាប់ពីម៉ោង ១០ព្រឹក ដល់ម៉ោង ៩យប់ រយៈពេលចំនួន២ថ្ងៃ គឺថ្ងៃទី ១៤ និង ១៥ ខែធ្នូ ឆ្នាំ ២០២៤ នៅបរិវេណសួនទឹកហ្គាឌិនស៊ីធី ។ កម្មវិធីដ៏កក្រើកមួយនេះ រៀបចំដោយ Wave Tribe ដែលនាំមកនូវ ភាពស្រស់ស្អាតជាមួយនឹងខ្លែងចម្រុះពណ៌នៅលើផ្ទៃមេឃ ព្រមទាំងញ៉ាំងឱ្យអ្នកចូលរួម មានភាពសប្បាយរីករាយ ស្រស់ស្រាយ និងរំភើបចំពោះព្រឹត្តិការណ៍ក្នុងរយៈពេល២ថ្ងៃនេះផងដែរ។  

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ព្រឹត្តិការណ៍ បង្ហោះខ្លែងដ៏ធំមួយនេះ មានការរៀបចំជាពិសេសសម្រាប់ក្រុមគ្រួសារ, មិត្តភក្តិ, ភ្ញៀវជាតិ, អន្តរជាតិ និងអ្នកដែលចូលចិត្តបង្ហោះខ្លែង។ មិនតែប៉ុណ្ណោះក៏មានការជួបជុំ និងទទួលយកនូវបទពិសោធថ្មីនៃការបង្ហោះខ្លែងដ៏អស្ចារ្យ ពោរពេញដោយភាពច្នៃប្រតិដ្ឋ និងរឹតចំណងនៃទំនាក់ទំនងក្នុងសហគមន៍យើង ឱ្យមានភាពរឹងមាំ។ គួរបញ្ជាក់ផងដែរថា ៖

-ព្រឹត្តិការណ៍ “Colour the Sky” មានភាពសម្បូរបែប និង កម្មវិធីកម្សាន្តសប្បាយៗ ជាច្រើនដូចជា៖

-ទស្សនីយភាពនៃការបង្ហោះខ្លែងដ៏អស្ចារ្យ៖ ការទស្សនាខ្លែងយក្ស និង ចម្រុះពណ៌ទៅតាមប្រភេទនៃខ្លែងដែលបង្ហោះនៅលើផ្ទៃមេឃ ដោយក្រុមអ្នកជំនាញជាតិ និងអន្តរជាតិ

-សិក្ខាសាលាអំពីខ្លែង៖ សិក្សាពីរបៀបធ្វើខ្លែងដោយខ្លួនឯង និងបង្កើនភាពរីករាយក្នុងការធ្វើខ្លែងជាមួយមនុស្សជាទីស្រឡាញ់

-ការប្រគំតន្ត្រី៖ ទស្សនាការសម្តែងពីសិល្បៈ, សិល្បករ, ក្រុមតន្ត្រី, និងឌីជេ ជាច្រើនរូប

-តំបន់កម្សាន្ត៖ មានទីតាំងប្រកបដោយផាសុកភាព សម្រាប់ការជួបជុំក្រុមគ្រួសារ មិត្តភក្តិ របស់លោកអ្នក ហើយក៏អាចសម្រាកកម្សាន្ត និងទស្សនាផ្ទៃមេឃដែលពោរពេញដោយខ្លែងចម្រុះពណ៌នៅថ្ងៃចុងសប្តាហ៍

- សួនទឹកហ្គាឌិនស៊ីធី៖ លោកអ្នកអាចចូលរួមរីករាយ និងលេងកម្សាន្តនៅសួនទឹក  

- ស្តង់អាហារ និង ស្តង់ផលិតផល ជាមួយការកម្សាន្តផ្សេងៗ៖ មានស្តង់ម្ហូបអាហារលក្ខណៈជាក្នុងតំបន់និងក្រៅតំបង់ ស្តង់ផលិតផលចម្រុះ ព្រមទាំងកម្មវិធីសប្បាយៗ ជាច្រើនទៀត ដែលលោកអ្នកចូលរួមលេងកម្សាន្តបាន

ព្រឹត្តិកាណ៍ដ៏អស្ចារ្យ និងពោរពេញដោយភាពច្នៃប្រតិដ្ឋនេះ អាចប្រព្រឹត្តទៅបានដោយមានការ៖

-       រៀបចំដោយ៖ Wave Tribe

-       ឧបត្ថម្ភធំដោយ៖  Angkor Sky 

-       សហការឧបត្ថម្ភដោយ៖ Sting Cambodia

-       គាំទ្រដោយ៖ Talk AVL

-       ឧបត្ថម្ភទីតាំងដោយ៖ Garden City Water Park

-       ដៃគូបច្ចេកទេសដោយ៖  Kilat Events Co.,ltd.

-       ដៃគូបច្ចេកទេសវីដេអូ និង Visual ដោយ ៖ Tribal Visual Lab

ព័ត៌មានលម្អិតអំពីព្រឹត្តិការណ៍នេះ៖

-       កាលបរិច្ឆេទ៖ ថ្ងៃទី ១៤ និង ១៥ ខែធ្នូ ឆ្នាំ ២០២៤

-       ម៉ោង៖ ១០ ព្រឹក ដល់ ៩ យប់

-       ទីតាំង៖ បរិវេណសួនទឹកហ្គាឌិនស៊ីធី រាជធានីភ្នំពេញ

-       លេខទំនាក់ទំនង៖ ០២៣ ៩៩៦ ៦៦៩  

បញ្ជាក់៖

សំបុត្រមានកំណត់! សូមកុំឱ្យកម្មវិធីដ៏ពិសេស និងកម្រមួយនេះរំលងផុតឱ្យសោះ។ សម្រាប់ព័ត៌មានលម្អិតបន្ថែមអំពីកម្មវិធី និងលក់សំបុត្រ  សូមចូលទៅកាន់គេហទំព័រហ្វេសប៊ុក របស់ wave Tribe និង Garden City Water Park ។ គេហទំព័រសម្រាប់ជាវសំបុត្រ៖

https://gardencitywaterpark.com/booking/?date=2024-12-14

-       ចូលរួមព្រឹត្តិការណ៍ “Colour the Sky” ជាមួយនឹងពួកយើងទាំងអស់គ្នានៅខែធ្នូនេះខាងមុខនេះ នៅ បរិវេណសួនទឹកហ្គាឌិនស៊ីធី! ព្រឹត្តិការណ៍មួយនេះ គឺជាការអបអរ ភាពច្នៃប្រតិដ្ឋ, លើកស្ទួយវប្បធម៌, និងរឹតចំណងសាមគ្គីភាព ក្នុងសហគមន៍។

• រូបភាព