Leonardo និងគូស្នេហ៍ ស្រាប់តែ មានដំណឹងមួយនេះ ក្រោយ ទាក់ទងគ្នាមួយរយៈ

កម្សាន្ត៖ ថ្មីៗនេះ ពាក្យចចាមអារ៉ាមលើអ៊ីនធឺណេត កាលពីប៉ុន្មានថ្ងៃកន្លងមកនេះ បាននិយាយថា តារាទីតានិច លោក Leonardo DiCaprio បានស្នើសុំរៀបការ ជាមួយគូស្នេហ៍ ដែលជាតារាម៉ូដែលវ័យក្មេង Vittoria Ceretti បន្ទាប់ពី មានទំនាក់ទំនងស្នេហាមួយរយៈ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ពាក្យចចាមអារ៉ាមនេះ ត្រូវបានគេនិយាយថាបានលេចឡើងនៅលើគេហទំព័រនិយាយដើម Deux Moi ។ ទោះបីជាយ៉ាងណាក៏ដោយ ក៏មានប្រភពមួយបានប្រាប់ Page Six ថា នេះគ្រាន់តែជាពាក្យចចាមអារ៉ាមនៅលើអ៊ីនធឺណិតតែប៉ុណ្ណោះ។ ហើយខាងប្រភពរបស់ Page Six បានបន្ថែមថា ពាក្យចចាមអារ៉ាមអំពីការភ្ជាប់ពាក្យរបស់ Leonardo ក៏បានលេចឡើងជារៀងរាល់ខែ ផងដែរ ។

មិនត្រឹមតែប៉ុណ្ណោះ កាលពីខែមីនាឆ្នាំនេះ Page Six ក៏បានរាយការណ៍ដែរថា តារាសម្ដែង Leonardo វ័យ ៥០ ឆ្នាំរូបនេះ បានស្នើរសុំរៀបការទៅកាន់មិត្តស្រី ខណៈដែលពាក្យចចាមអារ៉ាមនេះ បានកើតឡើងនៅពេលដែលតារាម៉ូដែល Ceretti ត្រូវបានគេប្រទះឃើញ ពាក់ចិញ្ចៀនថ្មី នៅលើម្រាមដៃឆ្វេងរបស់នាង និងបាន​បង្ហាញ​គ្រឿង​អលង្ការនេះ ​ពេល​កំពុង​ពិសា​អាហារ​ថ្ងៃត្រង់​ជាមួយ​លោក Leonardo នៅ​ភោជនីយដ្ឋាន​មួយកន្លែង ក្នុង​ទីក្រុង Los Angeles កាលពី​ពេល​នោះ៕

ប្រភព៖ Kenh14

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ