កូនស្រី Tom Cruise បង្ហាញភាពស្រស់ស្អាត ហ្វេនៗចាប់អារម្មណ៍ គ្រប់គ្នា

កម្សាន្ត៖ Suri Cruise ដែលត្រូវបានគេស្គាល់ថា ជាកូនស្រីរបស់ តារាសម្ដែង លោក Tom Cruise បានត្រលប់មកជួបជុំជាមួយម្តាយរបស់នាងវិញគឺ តារាស្រី Katie Holmes នៅញូវយ៉ក ក្នុងអំឡុងពិធីបុណ្យ Thanksgiving ក្នុងសប្តាហ៍នេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ Suri ទទួលការចាប់អារម្មណ៍ និងត្រូវបានគេឃើញ កំពុងមានភាពរីករាយ នៅទីក្រុង Brooklyn កាលពីថ្ងៃទី ២៧ ខែវិច្ឆិកាកន្លងទៅនេះ។ ក្មេងស្រីរូបនេះ បានចេញទៅក្រៅតែម្នាក់ឯង ដើម្បីទិញរបស់របរមួយចំនួន។ អ្វីដែលគួរឲ្យចាប់អារម្មណ៍ទៀតនោះ កូនស្រីរបស់តារាសម្ដែង Tom Cruise រូបនេះ បានចេញមកជាមួយនឹងឈុតសម្លៀកបំពាក់រដូវរងាបែបសាមញ្ញ និងបង្ហាញមុខទទេរគ្មានការតុបតែង តែនៅតែមើលឃើញពីភាពស្រស់ស្អាតបែបធម្មជាតិរបស់នាង។

Suri បានប្រារព្ធពិធីបុណ្យ Thanksgiving ជាមួយម្តាយរបស់នាងនៅថ្ងៃទី ២៨ ខែវិច្ឆិកា ខណៈដែល​មុនមួយថ្ងៃ តារា​សម្ដែង Katie Holmes នៅ​តែមានភាព​មមាញឹក​នឹង​ការងារ៕

ប្រភព៖ Ngoisao.net

សូមទស្សនរូបភាពខាងក្រោម៖ 

• រូបភាព
• តារាអន្តរជាតិ