អតីតស្វាមី Jennifer Lopez បង្ហាញសកម្មភាពមួយនេះ ជាមួយ អតីតភរិយា ក្រោយ ប្រកាស»»-លែ»»-ង»»-លះ»»-គ្នា

កម្សាន្ត៖ តារាសម្តែង លោក Ben Affleck ដែលត្រូវបានគេស្គាល់ថា ជាអតីតស្វាមីរបស់ តារាចម្រៀងស្រី Jennifer Lopez បានបង្ហាញពីស្នាមញញឹម និងសកម្មភាពខ្សឹបប្រាប់ ទៅកាន់អតីតភរិយាម្នាក់ទៀត ដែលជា តារាសម្តែង Jennifer Garner នៅពេលដែលពួកគេទាំងពីរ បានចូលរួមក្នុងសកម្មភាពសប្បុរសធម៌ នៅទីក្រុង Los Angeles កាលពីថ្ងៃទី ២៨ ខែវិច្ឆិកា កន្លងទៅនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅថ្ងៃ Thanksgiving កាលពីថ្ងៃព្រហស្បតិ៍ តារាសម្ដែង Ben Affleck និង Jennifer Garner បានស្ម័គ្រចិត្តរួមគ្នា សម្រាប់បេសកកម្មសប្បុរសធម៌ Midnight Mission ដោយជួយផ្តល់អាហារដល់ជនអនាថានៅ Los Angeles ។ អតីត​គូស្វាមីភរិយាមួយគូនេះ បានស្លៀកពាក់​អាវ​អៀម ហើយ​នៅ​ក្បែរ​គ្នា​ពេញ​មួយ​កម្មវិធី។ យោងតាមកាសែត The Post កូនៗរបស់ពួកគេ ក៏បានចូលរួមក្នុងសកម្មភាពដ៏មានអត្ថន័យនេះ ផងដែរ។

មានពេលមួយ Ben ក៏បានផ្អៀងទៅជិត Jennifer Garner ដើម្បីជជែកគ្នា ហើយតារា​ទាំង​ពីរ ​មាន​ភាព​សុខ​ស្រួល​ក្នុង​ការ​នៅ​ក្បែរ​គ្នា និង​ធ្វើ​ការ​ជាមួយ​គ្នា។ អ្នក​ទាំង​ពីរ ​រំភើប​ចិត្ត​ខ្លាំង​ណាស់​ក្នុង​ការ​បម្រើ​សហគមន៍ ​ដោយ​ទឹក​មុខ​ញញឹម​ជាប់​ជានិច្ច។ 

គួររំឮកផងដែរថា តារាទាំងពីររូបនេះ បានរៀបការតាំងពីឆ្នាំ ២០០៥ ដល់ ២០១៥ ប៉ុន្តែក្រោយពីលែងលះគ្នា ពួកគេនៅតែរក្សាភាពស្និទ្ធស្នាលនឹងគ្នា ដើម្បីចិញ្ចឹមកូនបីនាក់ជាមួយគ្នា៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ