វិធីដឹង៖ ពីការដាក់កាមេរ៉ាសំងាត់ ពីជនខិលខូច

សព្វថ្ងៃនេះបច្ចេកវិទ្យាមានការ រីកដុះដាលយ៉ាងខ្លាំង ទៅលើសំភារះទំនើបផ្សេងៗ ដែលធ្វើអោយមនុស្សកាន់តែមានភាពងាយស្រួលថែម មួយកំរិតទៀត។ ជាពិសេស ក្នុងពេល ថ្មីៗនេះមាន កាមេរ៉ាសុវត្ថិភាពជាច្រើន ដែលគេតែងតែដាក់ ដើម្បីអោយដឹងថា តើមានមនុស្សប្លែក មុខចូលផ្ទះដើម្បីលួចទ្រព្យសម្បត្តិ រឺក៏ប៉ុនប៉ងធ្វើឃាត ទៅម្ចាស់ផ្ទះ ដែលរឺទេ? ប៉ុន្តែក៏មាន ជនមួយចំនួនខ្លះ ចង់ឆ្លៀតឪកាសយក ការគេងចំនេញលើនារីៗ  គេបានដាក់ ក្នុងបន្ទប់គេង បន្ទប់ទឹក ដោយមិនអោយ នារីដឹងខ្លួននោះទេ។ ថ្ងៃនេះ ខ្មែរឡូតនឹង បង្ហាញវិធីការពារ កាមេរ៉ាសុវត្ថិភាពដែល ដាក់មិនអោយយើងដឹង ។

១) ឧស្សាហ៏បោសសំអាត ៖ ភាគច្រើន កាមេរ៉ាតែងតែ ដាក់កន្លែងដែល យើងមិនចាប់អារម្មណ៏ ដូចជាជិត ថូរផ្កា កន្លែងព្យួររូបថត អំពូលភ្លើង ធ្នើដាក់សំលៀកបំពាក់ ពីព្រោះជាកន្លែង ដែលងាយស្រួលទុក កាម៉េរាបំផុត។ យើងឧស្សាហ៏ពិនិត្យនិង បោសសំអាតទីនោះ ជៀសវាងជនខូចខិល វាអាចធ្វើបាបយើងបាន

២) ប្រឹងស្តាប់សំលេងកាមេរ៉ា ៖ ប្រសិនសង្ស័យថា មានកាមេរ៉ាក្នុងផ្ទះ ប៉ុន្តែអ្នកមិនអាចរកឃើញ អ្នកអាចស្តាប់សំលេង និងផ្ទៀងត្រចៀកអោយល្អិតល្អន់ ពីព្រោះនៅពេល គេតំឡើងហើយ វានឹង លឺសំលេងតិចៗ ចេញពីកាមេរ៉ានោះ ។

៣)បិទភ្លើង ៖ នៅពេលបិទភ្លើង អ្នកគួរសំលឹង លើវត្ថុតូចៗដែលមាន ភ្លើងពណ៏ក្រហម រឺក៏បៃតងនៅ ជាប់នឹងអ្វីមួយ នោះហើយជាភ្លើងកាមេរ៉ា ។ប៉ុន្តែមុននឹងយើង អាចឃើញវា គួរផ្តោតអារម្មណ៏ និងមាន ការអត់ធ្មត់ខ្ពស់ 

៤) ប្រើទូរស័ព្ទ ៖ វានឹងមិនសូវ មានសេវាក្នុងទូរស័ព្ទ និងពេលអ្នកនិយាយជាមួយ នរណាម្នាក់មានសំលេងរំខាន ធ្វើអោយអ្នកស្តាប់មិនបាន នោះហើយគឺគេបាន ភ្ជាប់កាមេរ៉ាក្នុងបន្ទប់ របស់អ្នកយ៉ាងពិតប្រាកដ

ទាំងនេះ ជាវិធីដែលអោយ អ្នកដឹងពីការ ផ្ទុកកាមេរ៉ាសុវត្ថិភាព ក្នុងផ្ទះពីជនខិលខូច។ យ៉ាងណាមិញ អ្នកគួរតែប្រយ័ត្នខ្លួន កុំអោយមានជនខិលខូច បន្លំ និងកេងប្រវ័ញ្ចលើអ្នកបាន ។ ជាពិសេសប្រសិនអ្នកមាន អារម្មណ៏ថាកាមេរ៉ានៅក្បែរ អ្នកគួរតែអនុវត្តវិធីទាំងនេះជាប្រញាប់  ៕

ប្រភព បរទេស

កែសម្រួល និកា

ខ្មែរឡូត