អតីតស្វាមី Jennifer Lopez បង្ហាញសកម្មភាពមួយនេះ ជាមួយ អតីតភរិយា ហ្វេនៗចាប់អារម្មណ៍ គ្រប់គ្នា

កម្សាន្ត៖ តារាសម្ដែង លោក Ben Affleck ដែលត្រូវបានគេស្គាល់ថា ជាអតីតស្វាមី តារាចម្រៀងស្រី Jennifer Lopez បានទៅជួបអតីតភរិយាម្នាក់ទៀត ដែលជា តារាសម្ដែង Jennifer Garner សម្រាប់អាហារពេលល្ងាចនៅថ្ងៃ Thanksgiving ខណៈភរិយាដែលកំពុងត្រៀមលែងលះ Jennifer Lopez បានបង្ហោះរូបថតតែម្នាក់ឯង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តារាសម្ដែង លោក Ben Affleck ត្រូវបានគេឃើញ ដើរទៅផ្ទះរបស់ Garner នៅ Brentwood រដ្ឋ California កាលពីរសៀលថ្ងៃព្រហស្បតិ៍ កន្លងទៅ។ តារាសម្ដែង លោក Ben Affleck បានបង្ហាញខ្លួន ស្លៀកសម្លៀកបំពាក់ដែលមានផាសុកភាពជាមួយអាវ ខោខូវប៊យពណ៌ខៀវ និងស្បែកជើងប៉ាតា។ តារា​ប្រុស​រូប​នេះ​ បាន​យក​កាហ្វេ​ទឹកកក​មួយ​កែវ​ចូល​ផ្ទះ​អតីត​ភរិយា។

យ៉ាងណាមិញ ខាងប្រភពព័ត៌មានបានប្រាប់ Page Six ថា Ben បានរីករាយ ជាមួយអាហារពេលល្ងាចជាមួយ Jennifer Garner និងកូនបីនាក់របស់ពួកគេជាមួយគ្នា។ មិនត្រឹមតែប៉ុណ្ណោះ ប្រភពដដែលបាននិយាយថា បើទោះបីជា ពួកគេបានលែងលះគ្នាជាច្រើនឆ្នាំហើយក៏ដោយ តែតារាប្រុសរូបនេះ នៅតែមានអារម្មណ៍សុខស្រួល ពេលនៅជាមួយអតីតភរិយា៕

ប្រភព​៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ