សហរដ្ឋអាមេរិក៖ អតីតសមាជិករបស់ក្រុម My Chemical Romance ជាអ្នកដៃស្គរឈ្មោះ Bob Bryar ត្រូវបានគេរកឃើញថាបានស្លាប់នៅផ្ទះរបស់ខ្លួន នៅតំបន់ Tennessee កាលពីថ្ងៃទី២៩ខែវិច្ឆិកាកន្លងទៅនេះ។
អ្វីដែលគួរឲ្យរន្ធត់នោះគឺ Bob បានស្លាប់ដោយគ្មាននរណាដឹង និងមិនដឹងថាស្លាប់តាំងពីពេលណា ព្រោះទម្រាំប៉ូលិសបានរកឃើញសាកសពរបស់គេ នោះគឺវាមានសភាពហើមស្ពុរនិងស្ពុយរលួយទៅហើយ ខណៈដែលគ្មាននរណាបានឮពីគេជាងមួយសប្តាហ៍មកហើយ។
មូលហេតុនៃការស្លាប់របស់អតីតដៃស្គរអាយុ៤៤ឆ្នាំរូបនេះ មិនទាន់ត្រូវគេសន្និដ្ឋាននៅឡើយទេ ប៉ុន្តែគេឃើញថាឧបករណ៍ស្គរឬអ្វីផ្សេងៗនៅក្នុងផ្ទះរបស់គេមិនមានស្លាកស្នាមត្រូវប៉ះពាល់ឡើយ ប៉ុន្តែគេនឹងតាមដានស៊ើបអង្កេតបន្តទៀត។
យោងតាមសារព័ត៌មាន TMZ ពេលចុងក្រោយដែលគេបានឃើញ Bob Bryar គឺនាថ្ងៃទី៤ខែវិច្ឆិកា ដោយគេបានបង្ហោះសារនៅលើ X ។
សូមចូលរួមរំលែកទុក្ខដល់គ្រួសារសពផង!
ប្រភព៖: themirror
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
