Miranda Kerr ស្រាប់តែ និយាយបែបនេះ ពីរឿងរៀបការ ជាមួយស្វាមី

កម្សាន្ត៖ អតីត​តារាម៉ូដែលស្រី Miranda Kerr បានរៀបរាប់ពី​រឿងដ៏​គួរ​ឱ្យ​ចាប់អារម្មណ៍ ​អំពី​គ្រួសារ ជាពិសេសបុគ្គលិក​លក្ខណៈ​ពិសេស​របស់​កូនៗ ក៏ដូចជា​ភាព​ស្រដៀង​គ្នា​រវាង​នាង និង​ស្វាមី​ គឺ​មហាសេដ្ឋី Evan Spiegel ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងបទសម្ភាសន៍ជាមួយទស្សនាវដ្តី Vogue Australia ដែលបានចេញផ្សាយកាលពីថ្ងៃទី ២៩ ខែវិច្ឆិកា តារាស្រី Miranda Kerr បាននិយាយថា នាងនិងស្វាមី របស់នាង លោក Evan Spiegel មកពីពិភពលោកពីរផ្សេងគ្នា ប៉ុន្តែមានតម្លៃជីវិតស្រដៀងគ្នា។ តារា​ម៉ូដែលស្រី​រូប​នេះ​ បាន​ធំ​ដឹង​ក្តី​នៅ​ទីជនបទ​នៃ Gunnedah រដ្ឋ New South Wales ប្រទេស​អូស្ត្រាលី ដោយបានចំណាយពេលកុមារភាពដ៏សាមញ្ញ និងសប្បាយរីករាយនៅក្នុងផ្ទះមួយ ដែលពោរពេញទៅដោយក្តីស្រឡាញ់ អាហារដ៏កក់ក្ដៅ និងតន្ត្រីពីព្យាណូរបស់ជីដូនរបស់នាង។ ចំណែកឯ ស្វាមី លោក Evan កើតនៅឆ្នាំ ១៩៩០ នៅទីក្រុង Los Angeles រដ្ឋកាលីហ្វ័រញ៉ា ដែលឪពុកម្តាយគឺជាមេធាវីទាំងពីរ។

ក្នុងនោះដែរ នាងបានរៀបរាប់ថា៖ «គាត់​មាន​វិធី​គិត​ខុស​គ្នា ប៉ុន្តែ​ជា​មនុស្ស​ដែល​ផ្ដោត​លើ​តម្លៃ​ប្រពៃណី ហើយចាត់ទុក​គ្រួសារ គឺជាគ្រប់យ៉ាង។ នោះ​គឺ​ស្រដៀង​នឹង​ខ្ញុំ​ណាស់»។ នៅពេលពួកគេបានទាក់ទងគ្នា តារាស្រីរូបនេះ បាន​លាតត្រដាង​ថា ភាព​ខុស​គ្នា​នៃ​អាយុ​មិន​មែន​ជា​បញ្ហា​នោះ​ទេ ព្រោះ Evan មាន​អាយុ​២៥​ឆ្នាំ ប៉ុន្តែ​ចាស់​ទុំ​ដូច​អាយុ ៥០​ឆ្នាំ រូបលោកជា​មនុស្ស​ចិត្ត​ល្អ មាន​ទេព​កោសល្យ និង​ស្មោះ​ត្រង់ ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ