គ្រាន់តែបង្ហោះបែបនេះសោះ Cha Eunwoo បែរត្រូវគេរិះ»-គន់ព្រាត

កូរ៉េខាងត្បូង៖ Cha Eunwoo ដែលជាតារាសម្ដែងផងនិងតារាចម្រៀងសមាជិកក្រុម ASTRO ផងនោះ នៅតែរក្សាភាពល្បីល្បាញ ដោយសារទេពកោសល្យនិងមុខមាត់ រូបរាងសង្ហារបស់លោកប៉ុន្តែថ្មីៗនេះ Eunwoo ត្រូវប្រជាជនកូរ៉េ រិះគន់យ៉ាងចាស់ដៃទៅវិញ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដូចដែលប្រិយមិត្តបានជ្រាបហើយថាស្ថានការណ៍នយោបាយនៅប្រទេសកូរ៉េខាងត្បូងឥឡូវនេះ ពិតជាមិនស្រួលនោះឡើយ ដែលជាហេតុធ្វើឲ្យតារាចម្រៀងកូរ៉េជាច្រើន ពុំបានបង្ហោះរូបភាពថ្មីៗរបស់ពួកគេទេ គឺរក្សភាពស្ងៀមស្ងាត់តែម្ដង។

ដោយឡែក Cha Eunwoo វិញបានចេញមកបង្ហោះរូបភាពលោកថតដាក់ទស្សនាវដ្ដី Vogue Korea ថ្មីដែលជាការប្រាប់អ្នកគាំទ្រឲ្យដឹងពីសកម្មភាពរបស់គេ ប៉ុន្តែទង្វើនេះបែរត្រូវអ្នកគាំទ្ររិះគន់ថាតារាប្រុសម្នាក់នេះ គិតតែពីផលប្រយោជន៍ផ្ទាល់ខ្លួន មិនគិតពីស្ថានការណ៍នយោបាយរបស់ប្រទេសជាតិទាល់តែសោះ។

មានមហាជនជាច្រើនបានចូលទៅបញ្ចេញមតិ រិះគន់ក៏ដូចជាវាយប្រហារាតារាប្រុសម្នាក់នេះ ដោយបានស្នើសុំឲ្យគេរក្សាភាពស្ងៀមស្ងាត់និងគិតគូពីស្ថានភាពប្រទេសដែលមានការតវ៉ាធ្វើឡើងពេញប្រទេស៕  

ប្រភព៖: koreaboo

• រូបភាព
• តារាកូរ៉េ