ខណៈអ្នកគាំទ្រចង់ដឹងថានរណាជា Ex នាង Rosé បានចេញមកបណ្ដើរបុរសម្នាក់នេះ យ៉ាងបើកចំហ

អាមេរិក៖ ដូចដែលប្រិយមិត្តបានជ្រាបហើយថា ថ្មីៗនេះ Rosé ដែលជាសមាជិកក្រុមចម្រៀងនារី BLACKPINK បានបញ្ចេញអាល់ប៊ុមចម្រៀងថ្មីចំណងជើងថា "rosie" ដែលសុទ្ធសឹងជាបទពីរោះទាក់ចិត្ត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បទទាំងអស់នៅក្នុងនេះភាគច្រើនជាបទស្ល៊ូ តែក៏មានលាយបទ "APT." និងបទ "Toxic Till The End" ដែលនាងនិយាយរៀបរាប់ពីស្នេហាជាមួយអតីតគូស្នេហ៍ផងដែរ។ នៅក្នុងវីដេអូចម្រៀងបទ "Toxic Till The End" គេឃើញថា Rosé បានឲ្យ លោក Evan Mock ដើរតួជាតួប្រុសនៅក្នុងនោះ។

ថ្មីៗនេះ កាលពីថ្ងៃទី៧ខែធ្នូនោះ Rosé បានចេញមកបណ្ដើរ Evan Mock នៅទីក្រុងញ៉ូវយ៉ក សហរដ្ឋអាមេរិកដោយពួកគេចុះពីឡានជាមួយគ្នា។ Evan ក៏បានដាក់ដៃលើចង្កេះ Rosé មើលទៅដូចជាស្និទ្ធស្នាលគ្នាធ្វើឲ្យអ្នកគាំទ្រផ្ទុះការសង្ស័យថា តារាស្រីកើតឆ្នាំ៩៧រូបនេះ មានទំនាក់ទំនងបែបណាជាមួយ Evan Mock ? ដោយគ្រាន់តែជាអ្នករួមការងារជាមួយគ្នា ឬមានអ្វីលើសពីនោះ៕  

ប្រភព៖: koreaboo

• រូបភាព
• តារាកូរ៉េ