កម្សាន្ត៖ តារាសម្តែងលោក Ben Affleck ដែលត្រូវបានគេស្គាល់ថា ជាអតីតស្វាមី របស់ តារាចម្រៀងស្រី Jennifer Lopez បានបង្ហាញការយកចិត្តទុកដាក់ លើខ្លួនឯង កូនៗ និងអាជីពរបស់ខ្លួន បន្ទាប់ពី បែកបាក់ជាមួយនឹង Jennifer Lopez នៅរដូវក្តៅនេះ។
យោងតាមប្រភព Page Six បានដកស្រង់ប្រភពមួយ ដែលបាននិយាយថា តារាសម្ដែងវ័យ ៥២ ឆ្នាំនៅតែ រៀនសម្របខ្លួនទៅនឹងជីវិតនៅលីវ ខណៈកំពុងលែងលះជាមួយនឹង Jennifer Lopez ។ ក្នុងនោះដែរ តាមប្រភព បានលើកឡើងថា «Ben មិនមានចំណាប់អារម្មណ៍ក្នុងការចូលរួមទំនាក់ទំនងថ្មីនៅពេលនេះទេ។ ការលែងលះរបស់លោកពី Jennifer Lopez នៅមិនទាន់បញ្ចប់នៅឡើយទេ ប៉ុន្តែទោះបីជា វាត្រូវបានសម្រេចក៏ដោយ លោកមិនមានបំណងចង់មានទំនាក់ទំនងទៀតនោះទេ»។
Ben Affleck ត្រូវបានគេឃើញជាញឹកញាប់ នៅក្នុងខ្សែភាពយន្តនាពេលថ្មីៗនេះ។ លោកកំពុងថតរឿងបែបឧក្រិដ្ឋកម្ម RIP ជាមួយមិត្តរបស់លោក Matt Damon ។ តាមរយៈប្រភពបានបន្តថា ផលិតកម្មភាពយន្តបានថយចុះ ហើយបច្ចុប្បន្នមិនទាន់មានកាលបរិច្ឆេទចេញផ្សាយនៅឡើយទេ ដោយសារការលែងលះរបស់ Ben បានប៉ះពាល់ដល់កាលវិភាគ។
គួររំឮកផងដែរថា Ben Affleck និង Jennifer Lopez បានបែកគ្នានៅចុងខែមេសា ហើយនៅថ្ងៃទី ២០ ខែសីហា Jennifer បានប្តឹងសុំលែងលះគ្នា នៅតុលាការដោយបញ្ចប់អាពាហ៍ពិពាហ៍រយៈពេលពីរឆ្នាំរបស់ពួកគេ៕
ប្រភព៖ Ngoisao.net
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
