កូនដំរីតូចអាយុប្រមាណ៥ខែដែលបែកពីមេរបស់វាដោយសារតែជាប់អន្ទាក់របស់ព្រានព្រៃ ហើយត្រូវបានជួយសង្រ្គោះនេះ ត្រូវបានដឹកយកទៅព្យាបាលរបួស និងមើលថែបន្តនៅមជ្ឈមណ្ឌលថែរក្សាសត្វព្រៃភ្នំតាម៉ៅខេត្តតាកែវកាលពីយប់ថ្ងៃទី៩ ខែធ្នូ ឆ្នាំ២០២៤។
កូនដំរីកម្សត់នេះទើបទទួលបានឈ្មោះថ្មីថា « សំណាង លំផាត់» ។វាត្រូវបានបញ្ជូនដល់ភ្នំតាម៉ៅហើយ កាលពីម៉ោង៥ព្រឹកថ្ងៃទី១០ ខែធ្នូនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទំព័រហ្វេសប៊ុកផ្លូវការនៃមន្ទីរព័ត៌មានខេត្តមណ្ដលគិរីនៅព្រឹកថ្ងៃទី១០ ខែធ្នូ បានស្រង់សម្ដីលោក ញឹម វណ្ណៈ អនុប្រធានការិយាល័យដែនជម្រកសត្វព្រៃភ្នំព្រេច លំផាត់ ដែលមានទីតាំងនៅស្រុកកោះញែក ខេត្តមណ្ឌលគិរី និងជាអ្នកបានជួយសង្គ្រោះកូនដំរីព្រៃដ៏គួរឱ្យស្រឡាញ់ផ្ទាល់ផងនោះ បានឱ្យដឹងថា ដើម្បីអាចថែរក្សាជីវិតកូនដំរីកម្សត់តូចនេះឱ្យបានរស់នៅធំធាត់ មន្ត្រីជំនាញ ជាពិសេសថ្នាក់ដឹកនាំសម្រេចនាំយកកូនដំរីព្រៃដែលមានវ័យទើប៥ខែនេះ ទៅរស់នៅមជ្ឈមណ្ឌលថែរក្សាសត្វព្រៃភ្នំតាម៉ៅ ដែលមានក្រុមគ្រូពេទ្យជំនាញជួយព្យាបាលរបួសរបស់វា និងថែទាំតាមបច្ចេកទេសរស់នៅតាមធម្មជាតិរបស់សត្វដំរី។
សូមជម្រាបថា មានកូនដំរីព្រៃ"សំណាង លំផាត់"មានអាយុប្រមាណ៥ខែ ត្រូវបានជួយសង្គ្រោះដោយមន្ត្រីឧទ្យានុរក្សនិងក្រុមការងាររបស់អង្គការសម្ព័ន្ធមិត្តសត្វព្រៃ (Wildlife Alliance-WA)នៅឯស្រុកកោះញែកកាលពីល្ងាចថ្ងៃទី៨ ខែធ្នូ ក្រោយវាខំដើរទាំងជើងឈឺមានរបួសបណ្តាលមកពីអន្ទាក់៕
ដោយ៖មុនី រូបភាព៖មន្ទីរព័ត៌មានខេត្តមណ្ឌលគិរី
ប្រភព៖ ក្រសួងព័ត៌មាន
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
