កម្សាន្ត៖ ដូចដែលប្រិយមិត្តបានជ្រាបហើយថា Rosé ដែលជាសមាជិកម្នាក់របស់ក្រុមចម្រៀងនារី BLACKPINK ត្រូវក្លាយជាប្រធានបទគេលើកយកមកជជែកវែកញែកណាស់ បន្ទាប់ពីនាងបានទម្លាយពីជីវិតស្នេហារបស់នាង ថានាងធ្លាប់មានស្នេហា និងមានអតីតមិត្តប្រុសម្នាក់ដ៏តុកសិក។
អាល់ប៊ុមថ្មីបែបទោលរបស់នាង មានចំណងជើងថា "rosie" ក៏បាននិយាយពី Ex របស់នាងផងដែរ ដែលអ្នកគាំទ្រសង្កេតឃើញថា Rosé ពិតជាបានបង្ហាញភាពឈឺចាប់តាមរយៈបទចម្រៀងអស់ទាំងនេះ។ ក្រៅពីនោះ នាងក៏បានចូលរួមក្នុងកម្មវិធីនានានិយាយពីមិត្តប្រុសរបស់នាងផងដែរ។
ដោយឡែក ថ្មីៗនេះ Rosé បានរៀបចំពិធីជប់លៀងនៅទីក្រុងញ៉ូវយ៉កដើម្បីសម្ពោធនិងស្តាប់អាល់ប៊ុមថ្មីរបស់នាងផងដែរ ដើម្បីជាការបង្ហាញពីស្នាដៃចម្រៀងទាំង១២បទរបស់នាង។ ក្នុងនោះ Rosé បានតុបតែងខ្លួនយ៉ាងស្រស់ស្អាតនិងមើលទៅស៊ិចស៊ីតិចៗ គឺអាវកាក់ដៃតូចពណ៌សាច់ និងខោខ្លីស្បែកពណ៌ខ្មៅ ដែលពេលដាក់ជាមួយនឹងសក់ពណ៌ទង់ដែងរបស់នាងទៅ គឺពិតជាមើលទៅស្រស់ស្អាតនិងលេចធ្លោ រហូតអ្នកគាំទ្រនាំគ្នានិយាយថា នាងព្យាយាមធ្វើខ្លួនឲ្យស្អាត ដើម្បីឌឺអតីតមិត្តប្រុសរបស់នាង៕
ប្រភព៖: allkpop
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
