Taylor Swift ត្រូវមិត្តប្រុសរៀបចំពិធីដ៏ពិសេសមួយនេះ ជូននាង យ៉ាងផ្អែមល្ហែម

អាមេរិក៖ ទំនាក់ទំនងស្នេហារវាងតារាចម្រៀងស្រីផបដ៏ល្បីឈ្មោះ Taylor Swift ជាមួយនឹងកីឡាករបាល់ឱប Travis Kelce នៅតែរក្សាភាពរឹងមាំនិងផ្អែមល្ហែម ក្រោយថ្មីៗពួកគេបានបង្ហាញមុខជាមួយគ្នាសាជាថ្មី។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

Taylor ទើបតែបញ្ចប់ការប្រគុំតន្ត្រី "The Eras Tour" របស់នាងនាពេលថ្មីៗនេះបន្ទាប់ពីបានសម្ដែងនៅតាមប្រទេសនានាជុំវិញពិភពលោកអស់រយៈពេលមួយឆ្នាំជាង ដែល Travis ជាមិត្តប្រុសតែងតែបង្ហាញការគាំទ្រដល់រូបនាង។

យ៉ាងណាមិញ Travis Kelce បានរៀបចំពិធីជប់លៀងយ៉ាងភ្ញាក់ផ្អើលមួយជូនដល់ Taylor Swift ដើម្បីអបអរដល់ការបញ្ចប់ការប្រគុំតន្ត្រីមួយនេះដែល Taylor ពិតជាមានការភ្ញាក់ផ្អើល រំភើបនិងសប្បាយរីករាយជាខ្លាំង។ នៅក្នុងពិធីនេះ យើងឃើញថា Taylor បានរាំនិងច្រៀងជាមួយគូស្នេហ៍យ៉ាងផ្អែមល្ហែមដោយមានការចូលរួមពីសំណាក់មិត្តៗរបស់នាង ហើយ Travis ក៏បានកៀកកើយជាមួយនាងយ៉ាងផ្អែមល្ហែមទៀតផង ដែលកាយវិការនេះសម្ដែងឲ្យដឹងថា Travis Kelce ពិតជាស្រលាញ់និងយកចិត្តទុកដាក់នឹង Taylor Swift ខ្លាំងណាស់៕  

ប្រភព៖: pagesix

• រូបភាព
• តារាអន្តរជាតិ