Song Joong Ki ចេញមកនិយាយពីកូនៗរបស់ខ្លួនបែបនេះ ក្រោយភរិយាសម្រាលកូ»-នទី២

កូរ៉េខាងត្បូង៖ ដូចដែលប្រិយមិត្តបានជ្រាបហើយថា តារាសម្ដែងប្រុស Song Joong Ki បានក្លាយជាលោកប៉ាកូនពីរនាក់ទៅហើយ ក្រោយពីភរិយារបស់លោកឈ្មោះ Katy Louise Saunders បានសម្រាលកូនស្រីកាលពីពេលថ្មីៗទៅនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះ Song Joong Ki បានបង្ហោះរូបថតដៃកូនស្រីរបស់ពួកគេ ខណៈដែលជីវិតគូរបស់គេជាមួយនឹងភរិយាជនជាតិបរទេសនៅតែបន្តភាពផ្អែមល្ហែមជារឿយៗ។

ថ្មីៗនេះនៅក្នុងកម្មវិធីទាក់ទងនឹងខ្សែភាពយន្តថ្មីរបស់លោកឈ្មោះថា "Bogota" គឺ Song Joong Ki បានឆ្លៀតនិយាយពីកូនៗរបស់លោកថា៖

"តើអ្នកចង់ឃើញរូបថតកូនរបស់ខ្ញុំទេ? ការមានកូនធ្វើឲ្យខ្ញុំមានទំនួលខុសត្រូវកាន់តែខ្ពស់។ បើនិយាយឲ្យស្មោះត្រង់ទៅ ខ្ញុំពិតជាចង់អួតពីនាងណាស់ តើវាមើលទៅលើសពេកទេ?"

គួរបញ្ជាក់ផងដែរថា Song Joong Ki បានរៀបការជាមួយភរិយា Katy នាខែមករា ឆ្នាំ២០២៣បន្ទាប់មកក៏ស្វាគមន៍កូនទី១របស់ពួកគេ ជាកូនប្រុសនៅក្រុងរ៉ូម ប្រទេសអ៊ីតាលី រួចកាលពីពេលថ្មីៗទៅនេះ នាខែវិច្ឆិកាឆ្នាំ២០២៤ ពួកគេបានស្វាគមន៍កូនស្រីទី២៕

ប្រភព៖: allkpop

• រូបភាព
• តារាកូរ៉េ