ចិន៖ ដូចដែលប្រិយមិត្តបានស្គាល់ហើយថា Tao ដែលជាអតីតសមាជិកក្រុមចម្រៀងបុរស EXO និងបច្ចុប្បន្នជាតារាចម្រៀងនិងម្ចាស់ផលិតកម្មនៅឯប្រទេសចិន បានរៀបការយ៉ាងមានសុភមង្គលជាមួយនឹងអ្នកនាង Xu Yiyang កាលពីពេលថ្មីៗទៅនេះ។
ក្រៅពីអាជីពជាតារាចម្រៀងហើយ Tao ក៏មានមុខជំនួញក្នុងដៃជាច្រើន ដោយជារឿយៗតារាប្រុសម្នាក់នេះតែងលេចមុខនៅក្នុងការ Live នានា ហើយថ្មីៗនេះ នាថ្ងៃទី២៤ខែធ្នូកន្លងទៅ Tao បានធ្វើឲ្យអ្នកគាំទ្រភ្ញាក់ផ្អើលក្រោយប្រកាសថា គេនឹងទិញឡានជូនអ្នកគាំទ្រចំនួន១០គ្រឿង ដោយអាចរើសម៉ូតបានតាមចិត្ត បើសិនជាចំនួនអ្នកគាំទ្រចូលមើល Live Stream របស់គេមានចំនួនដល់១៥លាននាក់។
គេបាននិយាយថា អ្នកគាំទ្រអាចរើសម៉ូតឡានបានតាមចិត្ត តែគេត្រូវការពេលបន្តិចដើម្បីចាត់ចែងវាឲ្យ ដែលធ្វើឲ្យអ្នកគាំទ្ររឹតតែជ្រួលច្របល់ចង់តាមដាន Tao នៅក្នុងគណនី Weibo នេះ ខណៈដែលគេគុណគូថា ចំណូលប្រចាំខែរបស់ Tao អាចបានដល់ ៣.៤លានដុល្លារឯណោះ៕
ប្រភព៖: allkpop
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
