(ព័ត៌មាន​លម្អិត​)​ករណីអគ្គីភ័យឆេះ​ផ្ទះប្រជាពលរដ្ឋ​​ស្ថិត​នៅចំណុច ផ្ភូមិសន្សំកុសល៣ សង្កាត់​ បឹងទំពន់១ ខណ្ឌ​ មានជ័យ

រាជធានី​ភ្នំពេញ​៖(ព័ត៌មាន​លម្អិត​)​ នៅវេលាម៉ោង ២០:០៥​ នាទីយប់ ថ្ងៃព្រហស្បតិ៍ ១០រោច ខែមិគសិរ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២៦ ខែធ្នូ ឆ្នាំ២០២៤ មានករណីអគ្គីភ័យឆេះ​ផ្ទះ​បងប្អូន​ប្រជាពលរដ្ឋ​មួយកន្លែងដែល​ស្ថិត​នៅចំណុច ផ្លូវ៣៣BT ក្រុម២ ភូមិសន្សំកុសល៣ សង្កាត់​ បឹងទំពន់១ ខណ្ឌ​ មានជ័យ រាជធានីភ្នំពេញ​ ម្ចាស់ទីតាំង អុី វណ្ណដេត ភេទ​ ប្រុស អាយុ ៣៩​ ឆ្នាំ ជនជាតិ ខ្មែរ​ មុខរបរ​ ជាងជួសជួលអេឡិចត្រនិច ។

+​ មូលហេតុ: មន្ត្រី​ជំនាញ​កំពុងបន្តការស្រាវជ្រាវ ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

+​ ប្រភេទសំណង់: ផ្ទះឈើលើថ្មក្រោមមានទំហំ ១០X១០ម៉ែត្រ។

+​ ខូចខាតសម្ភារៈ:​ ឆេះផ្ទះឈើលើថ្មក្រោមចំនួន​ ០១ខ្នង, ហាងលក់ទូរស័ព្ទចំនួន ០២ហាង ឆេះអស់ទាំងស្រុង រួមទាំងទូរស័ព្ទ, គ្រឿងសម្ភារៈទូរស័ព្ទអស់មួយចំនួនធំ ហើយរាលដាលឆេះហាងលក់ទូរស័ព្ទចំនួន ០១ហាង​ ខូចខាតដំបូល, ពិដាន និងឆេះរោលដល់ផ្ទះថ្មចំនួន ០១ខ្នង (ខូចខាតអស់១០%) ។

-​ ស្លាប់ មនុស្ស : គ្មាន ។

-​ របួសមនុស្ស : គ្មាន ។

+​ កងកម្លាំង​បង្ការ​ពន្លត់​អគ្គិភ័យ​ និង​សង្គ្រោះ​ បាន​ប្រេី​ប្រាស់​រថយន្តរបស់​ការិយាល័យ​អគ្គិភ័យចំនួន ១៨​ គ្រឿង ប្រេីប្រាស់ទឹកអស់ចំនួន ១៨​ រថយន្ត​ ស្មើរនឹង ៧២​ ម៉ែត្រគូប ។

+​ រថយន្តជំនួយ:-​ រថយន្តអគ្គិភ័យក្រសួងមហាផ្ទៃចំនួន ០៣​ គ្រឿង​ ពុំបាន ប្រើប្រាស់ទឹក។

-​ រថយន្តអគ្គិភ័យកងរាជអាវុធហត្ថចំនួន ០១​ គ្រឿង ប្រើប្រាស់ទឹកអស់ចំនួន ០១​ រថយន្ត​ ស្មើនឹង ០៤​ ម៉ែត្រគូប ។

-​ រថយន្តអគ្គិភ័យក្រមហ៊ុនស្រាបៀរកម្ពុជាចំនួន ០១​ គ្រឿង ប្រើប្រាស់ទឹកអស់ចំនួន ០១​ រថយន្ត​ ស្មើនឹង ០៦​ ម៉ែត្រគូប។

-​ រថយន្តអគ្គិភ័យOCICទីក្រុងកោះពេជ្រចំនួន ០៣​ គ្រឿង ប្រើប្រាស់ទឹកអស់ចំនួន ០៣​ រថយន្ត​ ស្មើនឹង ១២​ ម៉ែត្រគូប ។

- ពន្លត់ចប់ : នៅវេលា​ម៉ោង ២១នឹង៥០នាទីយប់ នាថ្ងៃខែ ឆ្នាំដដែល។  

ប្រភព៖ នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ