រូបភាពថ្មី Taylor Swift និង គូស្នេហ៍ ចេញមកកម្សាន្ត ជាមួយគ្នា យ៉ាងផ្អែមល្ហែម

កម្សាន្ត៖ តារា​ចម្រៀង Taylor Swift និង​គូស្នេហ៍ ដែលជាកីឡាករ​ លោក Travis Kelce បាន​ចាប់​ដៃ​គ្នា​ ចេញមកកម្សាន្ត អំឡុង​ពេល​រាត្រី​ នៅ​ទីក្រុង​ញូវយ៉ក​ចុង​សប្តាហ៍​នេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តារាចម្រៀងស្រី Taylor Swift បានទាក់ទាញការចាប់អារម្មណ៍ នៅពេលដែលនាង បានទៅញ៉ាំអាហារពេលយប់ជាមួយមិត្តប្រុសរបស់នាង នៅទីក្រុង New York កាលពី យប់ថ្ងៃសុក្រទី ២៧ ខែធ្នូ។ តារា​មួយ​គូ​នេះ បាន​ស្លៀក​សម្លៀក​បំពាក់​ពណ៌​សម និងត្រូវ​គ្នា ហើយ​កាន់​ដៃ​គ្នា​ពេល​ចូល​ក្នុង​ភោជនីយដ្ឋាន។

ពួកគេបានបង្ហាញសកម្មភាពយ៉ាងរំជួលចិត្ត នៅពេលពួកគេបានចាកចេញបន្ទាប់ពីអាហារពេលល្ងាច។ Taylor និង Travis បានញ៉ាំអាហារពេលល្ងាចជាមួយមិត្តភក្តិជិតស្និទ្ធ ដែលជា តន្ត្រីករ Jack Antonoff និងប្រពន្ធរបស់ខ្លួន។

នៅថ្ងៃទី ២៨ ខែធ្នូ Taylor និង Travis បានចេញមកណាត់ជួបគ្នា យោងតាមសារព័ត៌មាន Dailymail អ្នកទាំងពីរ បានកាន់ដៃគ្នា ឆ្លងផ្លូវដែលមានមនុស្សម្នា ទៅកាន់ភោជនីយដ្ឋានមួយកន្លែង ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ