កម្សាន្ត៖ មិនត្រឹមតែបានមកទីកន្លែងភាពយន្តដើម្បីគាំទ្រស្វាមីនោះទេ តែតារាសម្ដែងស្រី Son Ye Jin ក៏បានធ្វើសកម្មភាពជាក់ស្តែងជាច្រើនដើម្បីគាំទ្រការងាររបស់ស្វាមី ដែលជាតារាសម្ដែង លោក Hyun Bin។
បើតាម Nate បានបង្ហាញឲ្យដឹងថា គូស្វាមីភរិយា មួយគូនេះ តែងតែបង្ហាញការលើកទឹកចិត្ត និងគាំទ្រគ្នាទៅវិញទៅមក នៅកន្លែងធ្វើការ។ ថ្មីៗនេះ តារាស្រី Son Ye Jin បានបញ្ជូនរថយន្តដឹកអាហារនិងភេសជ្ជៈទៅកាន់កន្លែងថតភាពយន្ត ដែលស្វាមីរបស់នាងធ្វើការ ដើម្បីឲ្យលោកនិងក្រុមការងារ។ Hive Media Corp ដែលជាក្រុមហ៊ុនផលិតភាពយន្ដ ក៏បានបង្ហោះរូបថតនៅលើ SNS កាលពីថ្ងៃទី ១ ខែមករា ថា «ផ្អែមល្ហែមណាស់ អំណោយរថយន្តអាហារសម្រន់របស់ Son Ye Jin សម្រាប់តារាសម្ដែង Hyun Bin ព្រោះលោករវល់ជាមួយការចេញរឿង 'Harbin' និងការថតរឿង Made in Korea»។
Son Ye Jin និង Hyun Bin បច្ចុប្បន្នកំពុងមមាញឹកជាមួយនឹងគម្រោងថ្មីមួយ។ យ៉ាងណាមិញ ថ្មីៗនេះ Hyun Bin បានចែករំលែកថា រូបលោកផ្តល់អាទិភាពដល់គ្រួសារមុនគេ។ ក្រៅពីការងារ គូស្វាមីភរិយាមួយគូនេះ ព្យាយាមចំណាយពេលជាមួយក្រុមគ្រួសារ ផងដែរ៕
ប្រភព៖ Ngoisao.net
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
