ខានឃើញយូរ សាន់ឆាយ បង្ហាញភាពស្រស់ស្អាត បែបនេះ ហ្វេនៗសរសើរ គ្រប់គ្នា

កម្សាន្ត៖ តារាសម្ដែងស្រី Barbie Hsu បានទាក់ទាញការចាប់អារម្មណ៍យ៉ាងខ្លាំង ដោយត្រូវបានគេចាត់ទុកថា មានសម្រស់កាន់តែស្អាត បន្ទាប់ពី រៀបការរួច។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប្អូនស្រីរបស់តារាសម្តែងស្រី Barbie Hsu បានចែករំលែកនៅលើបណ្តាញសង្គម នូវរូបថតនៃការជួបជុំគ្រួសារដ៏ធំមួយ ដើម្បីអបអរឆ្នាំថ្មីកាលពីថ្ងៃទី ២ ខែមករាកន្លងទៅ បានបង្ហាញឲ្យឃើញថា Barbie Hsu និងស្វាមី លោក DJ Koo ក៏បង្ហាញខ្លួនក្នុងរូបភាពតែមួយ។ ហើយនៅក្នុង​រូបថត​ដែល​បាន​បង្ហោះ​នោះ តារាស្រីរូបនេះ បានចេញមក ដោយស្លៀក​សម្លៀក​បំពាក់បែប​ធម្មតា អាវ​ពណ៌​ស និង​មុខមាត់យ៉ាង​ភ្លឺ​ថ្លា។

នៅលើបណ្ដាញសង្គម ទស្សនិកជនជាច្រើន បានសរសើរតារាស្រីរូបនេះ ថា នៅក្មេង និងស្រស់ស្អាត ទោះបីជា នាងមានអាយុច្រើនក៏ដោយ។ ខណៈដែលមតិជាច្រើន បាននិយាយថា តារាស្រីរូបនេះ រៀបការជាមួយមនុស្សត្រឹមត្រូវ មានសន្តិភាពក្រោយព្យុះភ្លៀង ជាដើម។

យោងតាម ​​Sinchew តារាស្រី Barbie Hsu ហាក់មានភាពអាថ៌កំបាំងយ៉ាងខ្លាំង ចាប់តាំងពីការរៀបការលើកទី ២ របស់នាង។ នេះ​ជា​រូបភាព​កម្រ​ ដែល​នាង​បង្ហាញ​ខ្លួន​លើ​បណ្ដាញ​សង្គម។ ខណៈមានពាក្យចចាមអារ៉ាមជាច្រើននិយាយថា រូបនាងបានសម្រាលកូន ឬមានផ្ទៃពោះ ប៉ុន្តែនាងមិនបានចេញមកនិយាយបកស្រាយ នោះឡើយ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាចិន