តែងខ្លួនឆើតឆាយហើយ Selena នៅផ្អែមជាមួយគូដណ្ដឹង នៅកម្មវិធី Golden Globes

អាមេរិក៖ កាលពីយប់ថ្ងៃទី៦ខែមករាឆ្នាំ២០២៥ កន្លងទៅនេះ តារាចម្រៀងស្រី Selena Gomez បានបង្ហាញវត្តមានក្នុងកម្មវិធីទទួលពានរង្វាន់ Golden Globes ឆ្នាំ២០២៥ ជាមួយនឹងគូដណ្ដឹងថ្មីក្ដៅស្រួយគឺលោក Benny Blanco ដែលជាផលិតករ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះ ពួកគេក៏បានបណ្ដើរគ្នាលើកម្រាលព្រំក្រហមនៃកម្មវិធី ជាមួយនឹងការតុបតែងខ្លួនដ៏ស្រស់ស្អាតដូចគូស្នេហ៍អភិជន ដោយ Selena បានស្លៀករ៉ូបពណ៌ផ្ទៃមេឃស្រាលបែបកត្រង់ សំយេះស្មានិងសម្រុងដល់កជើង ជាមួយនឹងស្បៃពាក់នឹងដៃ ខណៈដែល Benny វិញបានស្លៀកឈុតគ្រ័រហ្សេពណ៌ស។

ពួកគេបានថើបគ្នាក៏ដូចជាបង្ហាញកាយវិការស្និទ្ធស្នាលគ្នាចេញមុខចេញមាត់ ដែលបញ្ជាក់ឲ្យដឹងថាទំនាក់ទំនងអ្នកទាំងពីរពិតជាផ្អែមល្ហែមមិនផ្លាស់ប្ដូរ ស្របពេល Selena បានទម្លាយថា Benny បានសុំនាងភ្ជាប់ពាក្យកាលពីចុងឆ្នាំ២០២៤៕  

ប្រភព៖: elle

• រូបភាព
• តារាអន្តរជាតិ