Song Joong Ki បង្ហាញថា បាននិយាយ បែបនេះ ជាមួយ ភរិយា យ៉ាងផ្អែមល្ហែម

កម្សាន្ត៖ តារា​សម្ដែងប្រុស លោក Song Joong Ki បាន​បង្ហើប​ថា ពេលនៅ​ផ្ទះ​ រូបលោក​តែង​តែហៅ ភរិយា ​ក្នុង​របៀប​ស្និទ្ធស្នាល ជាជាង​និយាយ​ជាមួយ​គ្នា ​ដូច​ធម្មតា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅពេលបង្ហាញខ្លួន នៅក្នុងវគ្គទី ៥ នៃកម្មវិធីទូរទស្សន៍របស់ JTBC Chef & My Fridge since 2014 ដែលជាភ្ញៀវ លោក Song Joong Ki បានចែករំលែកថា ខ្លួនមានវិធីពិសេសមួយ ក្នុងការហៅប្រពន្ធរបស់ខ្លួនថា «ខ្ញុំហៅនាងថា "Yeobo" ហើយនាងក៏ហៅខ្ញុំថា "Yeobo"» ។ 

តារាប្រុសរូបនេះ បានបន្តដោយស្នាមញញឹមថា៖ «ប្រពន្ធខ្ញុំជ្រើសរើសឈ្មោះហៅក្រៅនេះឲ្យយើង។ គាត់ថាការបញ្ចេញសំឡេងកូរ៉េ 'Yeobo' គួរឲ្យស្រលាញ់ ហើយគិតថា ឈ្មោះនេះល្អណាស់ ដូច្នេះហើយបានជា ខ្ញុំសម្រេចចិត្តហៅគ្នាទៅវិញទៅមក»។

នៅក្នុងប្រទេសកូរ៉េ "Yeobo" គឺជាពាក្យបុរាណដែលប្រើរវាង គូស្នេហ៍ ស្រដៀងទៅនឹង "Honey" នៅក្នុងភាសាអង់គ្លេស ឬ Darling ដើម្បីបង្ហាញពីក្តីស្រលាញ់របស់គូស្នេហ៍ ចំពោះគ្នាទៅវិញទៅមក។

មុន​ពេល មាន​ការ​លាតត្រដាង​ដ៏​ផ្អែម​ល្ហែម​ អំពី​ជីវិត​អាពាហ៍ពិពាហ៍​របស់ Song Joong Ki និង​ភរិយា ភ្ញៀវ​ដែល​បានចូល​រួម​ ក៏មាន​ការ​ភ្ញាក់​ផ្អើល​ជា​ខ្លាំង ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖  

• រូបភាព
• តារាកូរ៉េ