សៀវឡុងនី បង្ហាញសកម្មភាពមួយនេះ ជាមួយ បុរសម្នាក់នេះ ហ្វេនៗចាប់អារម្មណ៍ គ្រប់គ្នា

កម្សាន្ត៖ តារាសម្ដែងស្រី Liu Yifei បានបង្ហាញសកម្មភាព ឱបដ៏កក់ក្តៅរបស់នាង ជាមួយនឹងតារាចម្រៀង លោក Wang Leehom នៅពេល ដែលពួកគេ បានជួបគ្នា កាលពីពាក់កណ្តាលសប្តាហ៍នេះ ធ្វើឲ្យហ្វេនៗចាប់អារម្មណ៍យ៉ាងខ្លាំង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាម ប្រភព ​​Sohu បានឱ្យដឹងថា Wang Leehom និង Liu Yifei បានជួបគ្នា នៅភោជនីយដ្ឋាន hotpot មួយ ក្នុងទីក្រុង Shanghai កាលពីថ្ងៃទី ៩ ខែមករា។ Liu Yifei ពាក់មួកកីឡាបេស្បល អាវខ្មៅ និងខោខូវប៊យ ចំណែក Wang Leehom ពាក់អាវពណ៌ស និងកាបូបស្ពាយពណ៌ខ្មៅ ខណៈដែលរូបរាងរបស់ តារាប្រុសរូបនេះ ទទួលបានការសរសើរជាច្រើនថា ជា បុរសសង្ហា វ័យក្មេង និងមានភាពស្វាហាប់ ។

ក្រោយ​ ពេល​អាហារពេលល្ងាច អ្នក​ទាំង​ពីរ​ ក៏​និយាយ​លា​គ្នា​ទៅ​វិញ​ទៅ​មក។ ខណៈមុន​ពេល​បែក​គ្នា Liu Yifei បាន​ដាក់​ដៃ​ជុំវិញ​ក​របស់ Wang Leehom ហើយ​បាន​ស្ទាប​ស្មា​របស់​លោក ដែល​ជា​កាយវិការ​បង្ហាញ​ពី​ក្តី​ស្រលាញ់ និង​ការ​រាប់អាន។ 

គួររំឮកផងដែរថា Wang Leehom និង Liu Yifei បាន​ធ្វើ​ការ​ជាមួយ​គ្នា​ក្នុង​រឿង Love in Disguise ក្នុងឆ្នាំ ២០១០ ក្រោយ​មក ពួក​គេ ​បាន​ក្លាយ​ជា​មិត្ត​ជិតស្និទ្ធ​នឹង​គ្នា។ ខណៈនៅលើ Weibo ទស្សនិកជន សង្ឃឹមថាតារាទាំងពីរ នឹងបន្តសហការគ្នាក្នុងខ្សែភាពយន្តថ្មីមួយជាមួយគ្នាទៀត៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាចិន