Son Ye Jin រៀបចំអបអរខួបកំណើត យ៉ាងមានក្ដីសុខ

កម្សាន្ត៖ តារាសម្ដែងស្រី Son Ye Jin បានបង្ហាញពីសុភមង្គលរបស់នាង ខណៈដែលនាង បានប្រារព្ធខួបកំណើតឆ្នាំថ្មីរបស់ខ្លួន ជាមួយនឹងមនុស្សជាទីស្រលាញ់ កាលពីថ្ងៃទី ១១ ខែមករា កន្លងទៅនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅ​លើ​ទំព័រ​ផ្ទាល់​ខ្លួន​របស់តារាស្រី Son Ye Jin បាន​ចែក​រំលែក​ ពីពេល​ដែល​ នាង​ផ្លុំ​ទៀន​ដើម្បី​ស្វាគមន៍​វ័យ​ថ្មី​របស់​នាង។ តារា​ស្រី​រូប​នេះ ​បាន​បន្សល់​ទុក​នូវ​សញ្ញា​បេះដូង​ក្នុង​ចំណង​ជើង​បង្ហាញ​ពី​អារម្មណ៍​របស់​ខ្លួន​ ចំពោះ​អ្នក​ដែល​ស្រលាញ់​នាង។

នៅក្នុង​វីដេអូ​ដែល​បាន​ចែក​រំលែក Son Ye Jin ស្លៀក​ពាក់​បែបសាមញ្ញ សឹង​តែ​មិន​បាន​តុបតែង​មុខមាត់ បង្ហាញ​ពី​ភាព​រីករាយ និង​សុភមង្គល។ យ៉ាងណាមិញ ថែមទាំងមានមតិ​ជាច្រើន​ បាន​អបអរសាទរ​ចំពោះ​តារា​ស្រី​ក្នុង​វ័យ​ថ្មី​របស់​នាង ខណៈ​ទស្សនិកជន​មួយ​ចំនួន​ទៀត ក៏បាន​សួរ​នាំពីស្វាមីរបស់នាង លោក Hyun Bin ថាតើតារាប្រុសរូបនេះនៅ​ឯណា និងបានធ្វើ​ពិធី​ខួប​កំណើត​ជាមួយភរិយាដែរទេ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាកូរ៉េ