ភរិយា David Beckham រៀបចំអបអរខួបកំណើត កូនប្រសា ម្នាក់នេះ យ៉ាងមានក្ដីសុខ

កម្សាន្ត៖ បានធ្វើឲ្យហ្វេនៗចាប់អារម្មណ៍ បន្ទាប់ពី Victoria ដែលជាភរិយា អតីតកីឡាករបាល់ទាត់ លោក David Beckham បានចែករំលែក វីដេអូនៃការរាំរបស់នាង ជាមួយកូនប្រសារស្រី Nicola Peltz ខណៈពេលដែល David Beckham បង្ហោះរូបថតកូន នៅថ្ងៃដែលប្រពន្ធរបស់កូនប្រុសច្បង Brooklyn ប្រារព្ធខួបកំណើតអាយុ ៣០ ឆ្នាំនៅថ្ងៃទី ៩ ខែមករា កន្លងទៅនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អតីតតារាចម្រៀងប៉ុបរូបនេះ បានបង្ហោះវីដេអូរបស់នាង និងកូនប្រសាច្បងរបស់ខ្លួន រាំជុំគ្នានៅលើឆ្នេរ កំឡុងពេលវិស្សមកាលគ្រួសារនៅ Bahamas ចុងឆ្នាំ ២០២៣។ ខណៈដែល Victoria គឺជាមនុស្សដំបូងក្នុងគ្រួសារ ដែលបានផ្ញើពាក្យជូនពរថ្ងៃកំណើតដល់ Nicola Peltz នៅព្រឹកព្រលឹមថ្ងៃទី ៩ ខែមករា។

ទន្ទឹមនឹងនេះដែរ David Beckham បានចែករំលែករូបថតចំនួន ៣ រួមទាំងរូបថតចំនួន ២ សន្លឹករបស់ Brooklyn និងភរិយារបស់ខ្លួន កំពុងស្និទ្ធស្នាលជាមួយគ្នាក្នុងវិស្សមកាល និងមួយទៀត គឺរបស់ Victoria និង Nicola Peltz មានភាពស្និទ្ធស្នាលក្នុងដំណើរកំសាន្ដគ្រួសារនៅប្រទេសអង់គ្លេស។ អតីតកីឡាករបាល់ទាត់ វ័យ ៤៩ ឆ្នាំរូបនេះ បានជូនពរកូនប្រសា និងកូនប្រុស ក្នុងថ្ងៃពិសេសបំផុត ជាមួយគ្នា ដោយបង្ហាញពីក្តីស្រលាញ់ចំពោះអ្នកទាំងពីរ ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ