ហ្វេនសង្ស័យពេក Rosé ចេញមកនិយាយពីទំនាក់ទំនងនាងជាមួយ Jaden Smith

កម្សាន្ត៖ ដូចដែលប្រិយមិត្តបានជ្រាបហើយថា Rosé ដែលជាសមាជិកម្នាក់ក្នុងក្រុមចម្រៀងនារី BLACKPINK បានធ្វើឲ្យកក្រើកវិស័យចម្រៀងនៅពេលនាងបានប្រកាសថា នាងធ្លាប់មានទំនាក់ទំនងស្នេហាដ៏អាក្រក់មួយជាមួយនឹងអតីតមិត្តប្រុសរបស់នាង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

Rosé ក៏បានសរសេរបទចម្រៀងជាច្រើនក្នុងអាល់ប៊ុមថ្មីរបដ់នាង "rosie" ដែលនិយាយពីអតីតមិត្តប្រុសរបស់នាងផងដែរ ខណៈដែលអ្នកគាំទ្រនាំគ្នាទស្សន៍ទាយថាបុរសណាជាអតីតមិត្តប្រុសរបស់នាង។ យោងតាមការបង្ហើបរបស់នាងក៏ដូចជារូបរាងរបស់តួអង្គប្រុសក្នុងរឿង Toxic Till The End នោះ អ្នកគាំទ្រសង្ស័យថាអតីតមិត្តប្រុសរបស់នាងគឺ Jaden Smith ជាកូនប្រុសរបស់តារាសម្ដែងហូលីវូដ Will Smith ។

យ៉ាងណាមិញ នាថ្ងៃទី១៦ខែមករាកន្លងទៅ Rosé បានលេងហ្គេមប្រើម៉ាស៊ីនចាប់ពាក្យកុហក ហើយនាងបានស្រាយបំភ្លឺច្បាស់ៗថា Jaden គ្រាន់តែជាមិត្តភក្តិរបស់នាងប៉ុណ្ណោះ ពុំមានអ្វីលើសពីនោះឡើយ ហើយនាងពិតជានឹកគេខ្លាំងណាស់៕  

ប្រភព៖: allkpop

• រូបភាព
• តារាកូរ៉េ