Lisa តែងខ្លួនជានារីទន់ភ្លន់ ក្នុងរូបភាពថ្មីនៅឆ្នេរខ្សាច់

កម្សាន្ត៖ Lisa ដែលជាសមាជិកក្រុមចម្រៀងនារី BLACKPINK គឺជាតារាចម្រៀងស្រីដែលមានអ្នកគាំទ្រច្រើនលើសលប់ និងមានភាពល្បីល្បាញខ្លាំងណាស់ ទើបមិនថាសកម្មភាពនៅក្រៅឆាក ឬនៅលើឆាកទេ គឺនាងតែងតែទទួលបានការចាប់អារម្មណ៍ជាខ្លាំង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះ Lisa បានបង្ហោះរូបភាពដ៏ស្រស់ស្អាតមួយនៅក្នុងបណ្ដាញសង្គម Instagram ពីរូបភាពនាងឈរកាច់រាងនៅមាត់ឆ្នេរសមុទ្រក្រោមថ្ងៃអស់អស្តង្គត ដោយបានសរសេរថា "រដូវក្ដៅនៅខែធ្នូ" ដែលទទួលបានការចុច Like ដល់ទៅជិត៨លាននាក់ឯណោះ។

នៅក្នុងរូបភាពនោះ Lisa បានស្លៀករ៉ូបពណ៌ត្នោត ឈរនៅក្បែរតុអាហារនៅមាត់ឆ្នេរ ជាមួយនឹងព្រះអាទិត្យលិចដោយរ៉ូបនោះ ផ្នែកខាងលើបែប Crop Top បញ្ចេញក្បាលពោះគូជាមួយនឹងសំពត់វែងដល់កជើង ហើយនាងក៏បានលើកចងទម្លាក់សក់សេះខាងមុខផងដែរ ដែលធ្វើឲ្យអ្នកគាំទ្រនាំគ្នាចូលទៅបញ្ចេញមតិសរសើរថា នាងពិតជាស្រស់ស្អាតខ្លាំង៕  

ប្រភព៖: allkpop

• រូបភាព
• តារាថៃ
• តារាអន្តរជាតិ
• តារាកូរ៉េ