Kim Kardashian បង្ហាញថា កំពុងមាន ទំនាក់ទំនងស្នេហាថ្មី

កម្សាន្ត៖ មហាសេដ្ឋី Kim Kardashian បានធ្វើឲ្យគ្រប់គ្នាភ្ញាក់ផ្អើល នៅពេលដែល នាងបានបង្ហើបថា នាងកំពុងមានស្នេហាថ្មីជាមួយមនុស្សម្នាក់ បន្ទាប់ពី នៅលីវមួយរយៈ ដោយផ្តោតលើ ការមើលថែកូនទាំងបួន របស់នាង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុង Trailer សម្រាប់រដូវកាលទី ៦ នៃកម្មវិធីទូរទស្សន៍ The Kardashians Kim បានសារភាពថា នាងកំពុងជួបអ្នកថ្មី ហើយគិតអំពីអនាគតរបស់ពួកគេជាមួយគ្នា។ ពេលដើរជុំវិញវិមានតម្លៃ ៦០ លានដុល្លារជាមួយម្តាយរបស់នាង Kris Jenner, Kim បានចង្អុលទៅកន្លែងទំនេរមួយ ហើយនិយាយថា នាងនឹងសង់បន្ទប់ផ្ទុកឯកជនមួយ នៅទីនោះ។

អ្នកស្រី Kris បាន​និយាយ​ថា៖ «អ្នក​​ចូល​ចិត្ត​គាត់​ខ្លាំង​ណាស់»។ Kim បានឆ្លើយតបភ្លាមៗថា មិត្តប្រុសរបស់នាងនឹងសប្បាយចិត្តយ៉ាងខ្លាំងជាមួយនឹងគំនិតរបស់នាង។

តារាទូរទស្សន៍ Reality វ័យ ៤៤ ឆ្នាំរូបនេះ ក៏បានបកស្រាយប្រាប់ទស្សនិកជនថា «ខ្ញុំធ្លាប់មានបំណងចង់នៅលីវ។ បន្ទាប់មកខ្ញុំកុហកអ្នកថាមិនចង់ណាត់ជួប មិនចង់បើកបេះដូង» ។

យ៉ាងណាមិញ Kim Kardashian មិន​ទាន់​បង្ហាញ​អត្តសញ្ញាណ​មិត្ត​ប្រុស​របស់​នាង​នៅ​ឡើយ​ទេ។ កាល​ពី​ខែ​មុន តាមរយៈ Us Weekly បាន​ដក​ស្រង់​ប្រភព​មួយ ​ដែល​បាននិយាយ​ថា Kim បាន​ចាប់​ផ្តើម​ណាត់​ជួប​អ្នក​ថ្មីហើយ ដែល​មិន​មែន​ជា​តារា​ល្បី។ ប្រភពមួយទៀតបានប្រាប់ Page Six ថា Kim កំពុងណាត់ជួបជាមួយអ្នកជំនួញផ្នែកអចលនទ្រព្យ ហើយពួកគេបានជួបគ្នា តាមរយៈមិត្តភក្តិ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ