Jennie លេងសក់ក្រហមចាំង ស្អាតប្លែក ក្នុងអាល់ប៊ុមថ្មីរបស់នាង "Ruby"

កម្សាន្ត៖ ដូចដែលប្រិយមិត្តបានជ្រាបហើយថា Jennie ដែលជាសមាជិកក្រុមចម្រៀងនារី BLACKPINK ត្រៀមនឹងបញ្ចេញបទចម្រៀងជាច្រើនក្នុងអាល់ប៊ុមថ្មីរបស់នាង ដែលជាអាល់ប៊ុមដំបូងក្រោយចាកចេញពីផលិតកម្ម YG ដោយកន្លងមកនាងបានចេញបទ "Mantra" ជាបទចម្រៀងដំបូងនាងច្រៀងក្រោមផលិតកម្មរបស់នាង ODD ATELIER ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែកនាថ្ងៃទី២១ខែមករានេះ Jennie បានចេញមកបង្កភាពភ្ញាក់ផ្អើលដល់អ្នកគាំទ្រក្រោយនាងប្រកាសពីចំណងជើងអាល់ប៊ុមថ្មីមានឈ្មោះថា "Ruby" ដែលនឹងត្រៀមចេញផ្សាយនាថ្ងៃទី៧ខែមីនាខាងមុខ។

អាល់ប៊ុម "Ruby" របស់ Jennie នេះនឹងមានសរុបទាំងអស់១៥បទ និងមានការចូលរួមច្រៀងពីតារាល្បីៗដូចជា Childish Gambino, Doechii, Dominic Fike, Dua Lipa, FKJ និង Kali Uchis ជាដើម ខណៈដែល Jennie ក៏បានបញ្ចេញរូបភាពខ្លះៗទាក់ទងនឹងអាល់ប៊ុមនាងជាមួយពណ៌សក់ក្រហមឆេះ មានសក់សេះពីមុខជាមួយនឹងឯកសណ្ឋានសិស្សសាលាទៀតផង៕

ប្រភព៖: allkpop

• រូបភាព
• តារាកូរ៉េ