Jay Chou និង ភរិយា រៀបចំអបអរ ខួបរៀបការ ជាមួយគ្នា យ៉ាងផ្អែមល្ហែម

កម្សាន្ត៖ តារា​ចម្រៀង Jay Chou និង​ភរិយា​តារា​ម៉ូដែល Kun Ling បាន​ប្រារព្ធ​ខួប​អាពាហ៍ពិពាហ៍​ គម្រប់​១០​ឆ្នាំ​របស់​ពួក​គេ ​ជាមួយ​នឹង​ការ​រាំ​កម្សាន្ត​ នៅ​ផ្ទះ​វីឡា​មួយ ​ក្នុង​ប្រទេស​បារាំង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កាលពីថ្ងៃទី ១៨ ខែមករាកន្លងទៅ គឺជាថ្ងៃខួបកំណើត គម្រប់ ៤៥ ឆ្នាំរបស់ Jay Chou ហើយ ក៏ជាខួបលើកទី ១០ នៃអាពាហ៍ពិពាហ៍របស់តារាប្រុសរូបនេះ ជាមួយ Kun Ling ផងដែរ។ នៅលើ Instagram តារាចម្រៀងប្រុសរូបនេះ បានបង្ហោះវីដេអូរបស់លោក និងភរិយា រាំជុំគ្នា ដើម្បីអបអរកម្មវិធីសំខាន់ៗចំនួនពីរ។

នៅក្នុងវីដេអូនោះ តារាម៉ូដែល Kun Ling បានស្លៀករ៉ូបពណ៌ស សក់ចងឡើងខ្ពស់ ពាក់ខ្សែកគុជ និងការតុបតែងមុខមាត់បែបស្រាលៗ ខណៈដែល Jay Chou បានមកជាមួយនឹងឈុតពណ៌ស អាវយឺត អាវក្រៅ និងស្បែកជើងប៉ាតា។ អ្នក​ទាំង​ពីរ​បាន​រាំ​បែប​សាមញ្ញ​ទៅ​តាម​បទ​ចម្រៀង​ថ្មី​របស់ Jay Chou។

Jay Chou ក៏បាន​សរសេរ​អម​ជាមួយ​វីដេអូ​ថា «រីករាយ​ខួប​អាពាហ៍ពិពាហ៍​១០​ឆ្នាំ! សូម​ឲ្យ​មាន​សុភមង្គល​ទាំង​អស់​គ្នា»។ ជាមួយគ្នានេះដែរ ក៏មាន មិត្តរួមការងារ និងអ្នកគាំទ្រជាច្រើនបានសរសើរ ពីភាពផ្អែមល្ហែម ក៏ដូចជាបានអបអរសាទរចំពោះសុភមង្គលរបស់អ្នកទាំងពីរ ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាចិន