Han So Hee ចាយសម្រស់ឡើងដូចនារី Dior ហ្វេនមើលឡើងភ្លឹក

កម្សាន្ត៖ ដូចដែលប្រិយមិត្តបានជ្រាបហើយថា Han So Hee គឺជាតារាសម្ដែងកូរ៉េដ៏មានប្រជាប្រិយភាព ដោយមានអ្នកគាំទ្រជាច្រើនចាំតាមដានសកម្មភាពនាងមិនថាលើឆាកឬក្រោយឆាកនោះឡើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែងថ្មីៗនេះកាលពីថ្ងៃទី២២ខែមករាកន្លងទៅ So Hee បានបង្ហាញវត្តមាននៅព្រលានយន្តហោះអន្តរជាតិ Incheon ដើម្បីធ្វើដំណើរទៅទីក្រុងប៉ារីស ប្រទេសបារាំង ដើម្បីចូលរួមកម្មវិធីសម្ពោធ Dior Winter ឆ្នាំ ២០២៥-២០២៦ ហើយអ្នកគាំទ្រនាំគ្នាស្ញើចសរសើរនឹងសម្រស់ដ៏ទាក់ទាញរបស់នាង។

So Hee បានលេងស្ទាយ៍នារីទន់ភ្លន់ តែមើលទៅទាន់សម័យដោយស្លៀកឈុត Dior ជាសំពត់ខ្លីត្រឹមពាក់កណ្ដាលភ្លៅ និងអាវរងាដៃវែង ខណៈដែលអាវពីក្នុង នាងពាក់អាវសាច់ចាក់ពណ៌ខ្មៅ ជាមួយនឹងស្បែកជើងប៊ូតកវែង។ រីឯការតុបតែងផ្ទៃមុខយ៉ាងសាមញ្ញ គឺផាត់មុខស្រាលៗ ហើយលើកសក់ចង ដោយទម្លាក់សក់ពីមុខតិចៗធ្វើឲ្យមើលទៅ ឃើញថានាងថ្លៃថ្នូរស្រស់ស្អាត និងមានស្ទាយ៍បែបនារីទន់ភ្លន់៕  

ប្រភព៖: allkpop

• រូបភាព
• តារាកូរ៉េ