កម្សាន្ត៖ Kim Soo Hyun គឺជាតារាសម្ដែងប្រុសលំដាប់ A ដ៏មានប្រជាប្រិយភាព ដោយលោកត្រូវគេស្គាល់ក្នុងនាមជា "ដូ មីនជូន" ក្នុងរឿង "សង្សារខ្ញុំមនុស្សភពផ្កាយ" ។ បច្ចុប្បន្ន លោកនៅតែបន្តចូលរួមសម្ដែងក្នុងរឿងភាគនានាហើយរឿងចុងក្រោយ ដែលបានទទួលការគាំទ្រខ្លាំងនោះគឺរឿង "Queen of Tears " សម្ដែងរួមគ្នាជាមួយតារាសម្ដែងស្រី Kim Ji Won ។
រឿងនេះជារឿងបែបមនោសញ្ចេតនានិយាយពីចំណងស្នេហ៍និងឧបសគ្គជីវិតរវាងគូស្វាមីភរិយាមួយគូជាតួឯកប្រុសនិងតួឯកស្រីនេះឯងហើយទាំង Soo Hyun និង Ji Won បានសម្ដែងយ៉ាងល្អរហូតអ្នកគាំទ្រមានការចាប់គូឲ្យអ្នកទាំងពីរទាក់ទងគ្នាក្នុងជីវិតពិត។
នាថ្ងៃទី២៤ខែមករា មានអ្នកគាំទ្រម្នាក់បានទទូចសុំឲ្យ Kim Soo Hyun ទាក់ទងជាមួយនឹង Kim Ji Won ថាឲ្យរៀបការជាមួយគ្នាមែនទែន និងប្រកាសថាគេបានទាក់ទងនឹង Ji Won និងស្រលាញ់តែ Ji Won ម្នាក់គត់។ ស្រាប់តែ Soo Hyun បានឆ្លើយតបទៅអ្នកគាំទ្រនោះថា៖
"សូមគិតថាការសម្ដែងគឺគ្រាន់តែជាការសម្ដែងប៉ុណ្ណោះ។"
ពាក្យប៉ុន្មានម៉ាត់នេះបញ្ជាក់ច្បាស់ហើយថា Kim Soo Hyun និង Kim Ji Won គ្រាន់តែជាមិត្តរួមការងារ ពុំមែនមានអ្វីលើសពីនោះឡើយ៕
ប្រភព៖: koreaboo
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
