រូបភាពថ្មី Angelina Jolie បង្ហាញភាពស្រស់ស្អាត ពេលចេញមក ជាមួយ កូនប្រុស

កម្សាន្ត៖ តែងតែធ្វើឲ្យហ្វេនៗជាច្រើន មានការចាប់អារម្មណ៍ ជាមួយនឹងការបង្ហាញខ្លួនរបស់ តារាសម្ដែងស្រី Angelina Jolie ក្នុងស្ទាយ៍ថ្មីៗ នៅពេលដែលនាងចេញមកកម្សាន្ត ឬចូលរួមកម្មវិធី ជាពិសេស ពេលដែលនាងបង្ហាញវត្តមានជាមួយកូនៗរបស់នាង តែម្ដង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ នៅក្នុងរូបថត ដែល paparazzi ថតបានកាលពីថ្មីៗនេះ តារាស្រីរូបនេះ ក៏បានបង្ហាញវត្តមានជាមួយនឹងកូនប្រុសវ័យ ១៦ឆ្នាំរបស់នាង ដែលក្មេងប្រុសរូបនេះ ត្រូវបានគេឃើញពាក់អាវយឺតនិងស្លៀកខោខ្លី ដែលមើលទៅមានកម្ពស់ខ្ពស់ជាងម្តាយរបស់ខ្លួន នៅពេលដែលពួកគេដើរទៅឡានជាមួយរទេះរុញដែលពោរពេញដោយគ្រឿងទេសផ្សេងៗ។

ទន្ទឹមនឹងនោះដែរ តារាស្រី Angelina Jolie ក៏បានបង្ហាញភាពទាក់ទាញ ដោយបានតុបតែង ជាមួយនឹងអាវធំ ខោពណ៌ខ្មៅ និងពាក់វ៉ែនតាខ្មៅ។ ជាពិសេស ម្ដាយ​និង​កូន​ប្រុសទាំង​ពីរ​ មើលទៅហាក់​សប្បាយ​ចិត្ត​ខ្លាំង​ណាស់ ទោះ​បី​ជា​នៅថ្ងៃ​ដ៏​លំបាក​ សម្រាប់ Angelina Jolie ក៏ដោយ៕

ប្រភព៖ Kenh14

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ