Ronaldo អបអរ ខួបកំណើត គូស្នេហ៍ យ៉ាងផ្អែមល្ហែម

កម្សាន្ត៖ កីឡាករបាល់ទាត់ លោក Cristiano Ronaldo បានបង្ហោះសារជូនពរខួបកំណើត ដល់គូស្នេហ៍ Georgina Rodriguez កាលពីថ្ងៃទី ២៧ ខែមករា កន្លងទៅនេះ យ៉ាងផ្អែមល្ហែម។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កីឡាករបាល់ទាត់ខ្សែ​ប្រយុទ្ធរូបនេះ បាន​ចែក​រំលែក​ ពីពេល​មួយ​ ដែលរូបលោក និងគូស្នេហ៍ ​ថត​រូប​សែលហ្វី​ក្នុង​កន្លែង​ហាត់​ប្រាណ​ជាមួយគ្នា ព្រមទាំងបានបង្ហាញ​សារ​ផ្ញើ​ទៅ​កាន់ «ម្តាយ​ខ្ញុំ ដៃគូ​ខ្ញុំ មិត្ត​ស្រី​របស់​ខ្ញុំ» កីឡាកររូបនេះ ក៏បានសរសេរថា «រីករាយថ្ងៃកំណើតមនុស្សជាទីស្រឡាញ់របស់ខ្ញុំ ពន្លឺរបស់អ្នកភ្លឺមកលើយើង ហើយសេចក្តីស្រឡាញ់របស់អ្នកបំភ្លឺដល់កូនប្រុសរបស់ខ្ញុំ និងខ្ញុំ»។

មិនត្រឹមតែប៉ុណ្ណោះ ការបង្ហោះរបស់ Ronaldo ជូនពរមិត្តស្រីរបស់ខ្លួន រីករាយថ្ងៃកំណើត បានទាក់ទាញអ្នកចុច Like ជិត ៨លានក្នុងរយៈពេលតិចជាងកន្លះថ្ងៃ។ នៅក្នុងផ្នែកមតិ Georgina បានឆ្លើយតប ទៅនឹងសេចក្តីស្រឡាញ់របស់មិត្តប្រុសរបស់នាងថា «ខ្ញុំស្រឡាញ់អ្នកហើយស្រឡាញ់អ្វីដែលយើងមានជាមួយគ្នា» ។ បន្ទាប់មក រូបនាងបានចែករំលែកសារជាថ្មី ជាមួយនឹងអំណោយជាបន្តបន្ទាប់ រួមទាំងភួងផ្កាកុលាបដ៏ធំមួយ ដែលមានរូបបេះដូងនៅចំកណ្តាល ដែលគេជឿថា ជាកាដូដែលបានពីលោក Ronaldo ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ