តៃវ៉ាន់៖ តារាសម្តែងស្រី Barbie Hsu ត្រូវបានគេបញ្ជាក់ថា បានស្លាប់នៅក្នុងប្រទេសជប៉ុន ក្នុងវ័យ ៤៨ ឆ្នាំ ដោយសង្ស័យថាមានជំងឺផ្តាសាយ ។
តាមរយៈប្រភពព័ត៌មាន ប្អូនស្រីបង្កើតរបស់តារាសម្ដែង Barbie Hsu ដែលជាពិធីការិនី Dee Hsu បាននិយាយទៅកាន់ប្រព័ន្ធផ្សព្វផ្សាយតៃវ៉ាន់ នៅព្រឹកថ្ងៃទី៣ ខែកុម្ភៈនេះថា «អរគុណចំពោះការព្រួយបារម្ភរបស់អ្នក! ក្នុងឱកាសបុណ្យចូលឆ្នាំថ្មី គ្រួសារពួកយើងបានធ្វើដំណើរទៅប្រទេសជប៉ុន។ Barbie Hsu បានកើតជំងឺផ្តាសាយ។ នាងបានចាកចេញពីពួកយើងដោយសារជំងឺផ្ដាសាយ និងរលាកសួត។ ខ្ញុំមានអំណរគុណដែលបានក្លាយជាប្អូនស្រីរបស់នាងក្នុងជីវិតនេះ យើងបានមើលថែគ្នា និងកំដរគ្នាទៅវិញទៅមក ខ្ញុំនឹងដឹងគុណ និងនឹកនាងជានិច្ច»។
ប្រព័ន្ធផ្សព្វផ្សាយតៃវ៉ាន់ បានរាយការណ៍ថា Barbie Hsu ត្រូវបានបូជានៅប្រទេសជប៉ុន។ សាច់ញាតិ និងមិត្តភ័ក្តិ មានភាពស្ងៀមស្ងាត់ នៅពេលត្រូវបានសួរនាំពីនាង។ ប្អូនស្រីរបស់នាង បានអានសារប៉ុន្តែមិនឆ្លើយតប។ មិនត្រឹមតែប៉ុណ្ណោះ រូបភាពកម្រងព័ត៌មានបណ្ដាញសង្គមរបស់ Wang Xiaofei ដែលជាអតីតស្វាមី ក៏បានប្ដូរទៅជាពណ៌ខ្មៅដែរ។
មុននេះ ទំព័រហ្វេសប៊ុក Japan Travel, Shopping and Food Information បានបង្ហោះសារមួយយ៉ាងពេញទំហឹងថា «តារាល្បីនៅតៃវ៉ាន់ បានលាចាកលោកហើយ។ នឹងមានសេចក្តីប្រកាសជាផ្លូវការនៅពេលក្រោយ។ នាងមានអាយុ ៤៨ ឆ្នាំ និងមានជំងឺគ្រុនផ្តាសាយស្រួចស្រាវនៅប្រទេសជប៉ុន។ នាងធ្លាប់សម្តែងក្នុងរឿង "Meteor Garden" និងបានរៀបការជាមួយជនបរទេស៕
ប្រភព៖ Ngoisao.net
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
