តៃវ៉ាន់៖ មុនពេលទទួលមរណភាព នៅថ្ងៃទី ២ ខែកុម្ភៈ តារាសម្ដែងស្រី Barbie Hsu បានបង្ហាញមុខ ក្នុងការជួបជុំគ្រួសារ និងក្នុងពិធីជប់លៀង នៅក្នុងវិស័យកម្សាន្ត។
ជាយូរមកហើយ ដែលតារាសម្ដែងស្រី Barbie Hsu ហាក់កម្រប្រើបណ្ដាញសង្គមណាស់។ រូបភាពរបស់នាងភាគច្រើន ត្រូវបានបង្ហាញ តាមរយៈគណនីរបស់ប្អូនស្រី របស់នាងគឺពិធីករ Dee Hsu។
នៅថ្ងៃទី ២៤ ខែធ្នូ តារាស្រី Barbie Hsu និងស្វាមី លោក DJ Koo បានជួបជុំញាតិមិត្ត ក្នុងពិធីជប់លៀងបុណ្យណូអែល។ មួយសប្តាហ៍ក្រោយមក ក៏មានរូបភាពជួបជុំក្រុមគ្រួសារ និងបានលើកកែវឡើងដើម្បីអបអរឆ្នាំថ្មី ឆ្នាំ ២០២៥។ តារាស្រីរូបនេះ ថែមទាំងបាននិយាយបែបលេងសើចថា «អ្នកចង់ឃើញរូបភាពប្អូនស្រីរបស់ខ្ញុំមែនទេ? សូមណែនាំរូបមុខទទេរបស់ Dee Hsu។ ប្អូនស្រីរបស់ខ្ញុំ និងខ្ញុំមានហ្សែនល្អ គ្រាន់តែក្រឡេកមើលម្តាយខ្ញុំពីក្រោយ អ្នកនឹងយល់»។
កាលពីថ្ងៃទី ២៥ ខែមករា Barbie Hsu និងស្វាមី រួមជាមួយនឹងមិត្តភ័ក្តិជាច្រើននៅក្នុងសិល្បៈ បានចូលរួមពិធីជប់លៀងកូនស្រីរបស់ 'ថៅកែកម្មវិធីកម្សាន្ត' ដែលនៅក្នុងរូបថតនោះ រូបនាងត្រូវបានគេសរសើរថាមានភាពស្រស់ស្អាត រូបរាងក្មេងជាងវ័យ និងម៉ូដសម្លៀកបំពាក់ទាន់សម័យ។ Barbie Hsu និងស្វាមីរបស់នាង បានជួបមិត្តភ័ក្តិក្នុងពិធីជប់លៀងយ៉ាងសប្បាយរីករាយ ផងដែរ។
គួររំឮកផងដែរថា នៅព្រឹកថ្ងៃទី ៣ ខែកុម្ភៈ ប្អូនស្រីរបស់ Barbie Hsu បានបញ្ជាក់ថា នាងបានទទួលមរណភាពក្នុងអាយុ ៤៨ ឆ្នាំ ដោយសារជំងឺគ្រុនផ្តាសាយ អំឡុងពេលធ្វើដំណើរទៅប្រទេសជប៉ុន៕
ប្រភព៖ Ngoisao.net
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
