រូបភាពថ្មី Selena និង គូស្នេហ៍ ចេញមកកម្សាន្ត ជាមួយគ្នា យ៉ាងមានក្ដីសុខ

កម្សាន្ត៖ តារាចម្រៀងស្រី Selena Gomez និង គូដណ្តឹង លោក Benny Blanco បានធ្វើដំណើរកម្សាន្តទៅ Disneyland កាលពីថ្ងៃទី ៧ ខែកុម្ភៈកន្លងទៅនេះ ហើយអ្នកទាំងពីរ ក៏បានបង្ហាញភាពស្និទ្ធស្នាល របស់ពួកគេនៅចំពោះមុខអ្នកគាំទ្រជាច្រើន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តារាចម្រៀងស្រី Selena Gomez បាន​បញ្ចេញ​នូវភាពរីករាយ ពេល​នាង​បាន​កៀក​ដៃ​ជាមួយ​ គូស្នេហ៍ដែលជា ផលិតករ​តន្ត្រី លោក Benny Blanco ពេល​ពួក​គេ​ដើរ​លេង​ជាមួយ​គ្នា​ នៅ​សួន​កម្សាន្ត​ដ៏​ល្បី។ គូស្នេហ៍មួយគូនេះ បានតុបតែងខ្លួន ដោយស្លៀកសម្លៀកបំពាក់ដែលមានផាសុកភាព ខណៈ Selena បានជ្រើសរើសខោខូវប៊យ អាវវែងពណ៌ខ្មៅ និងស្បែកជើងកវែងក្រាស់ ​ចំណែកឯ Benny បានមកជាមួយនឹងខោ អាវពណ៌ខៀវស្រាល និងអាវក្រៅ។

ជាពិសេស ពួកគេត្រូវបានអមដោយអង្គរក្សពេញមួយការធ្វើដំណើរកម្សាន្តនេះ។ គូស្នេហ៍របស់ Selena បានបង្ហាញភាពសប្បាយរីករាយ នៅពេលដែលបានលើកសញ្ញាសន្តិភាព នៅចំពោះមុខហ្វូងមនុស្ស ខណៈពេលដែល Selena បានបង្ហាញចិញ្ចៀនពេជ្ររាងពងក្រពើដ៏ភ្លឺស្វាង នៅលើដៃរបស់នាង៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ