Jisoo ត្រូវគេប្រទះឃើញស្និទ្ធស្នាល ជាមួយតារាប្រុសម្នាក់នេះ នៅហ្វីលីពីន

កម្សាន្ត៖ Jisoo ដែលជាសមាជិកក្រុមចម្រៀងនារី BLACKPINK គឺជាតារាចម្រៀងស្រីផងនិងតារាសម្ដែងស្រី ដ៏មានទេពកោសល្យ ហើយនាងក៏មានសម្រស់ស្រស់ស្អាតខ្លាំងតាមបែបស្ទាយ៍ព្រះនាងដ៏ទន់ភ្លន់ ធ្វើឲ្យនាងមានអ្នកគាំទ្រមកពីជុំវិញពិភពលោក ចាំតាមដានសកម្មភាពមិនដាច់ឡើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះ Jisoo ត្រូវបានគេលើកយកមកជជែកម្ដងទៀត បន្ទាប់ពីឃើញរូបភាពនាងនិងតារាសម្ដែងប្រុស Seo In Guk នៅឯទីក្រុង Cebu នាប្រទេសហ្វីលីពីន ដោយគេឃើញនាងបានអង្គុយញ៉ាំអាហារជាមួយគេ ក៏ដូចជាអង្គុយលើប៉ៅអ៊ីជជែកគ្នានៅមាត់សមុទ្រ។

ភ្លាមៗនោះ មានមហាជនមួយចំនួនសង្ស័យពីទំនាក់ទំនងអ្នកទាំងពីរ ប៉ុន្តែអ្នកគាំទ្រនាងបានចេញមកបញ្ជាក់ថា Jisoo គ្រាន់តែកំពុងថតរឿងភាគកូរ៉េ "Monthly Boyfriend" ជាមួយតារាប្រុស Seo In Guk ប៉ុណ្ណោះគឺពួកគេទាំងពីរគ្មានអ្វីលើសពីមិត្តភក្តិរួមការងារធម្មតានោះឡើយ។ យ៉ាងណាមិញ ភាពជិតស្និទ្ធរវាងអ្នកទាំងពីរត្រូវគេលើកយកមកជជែកថាពួកគេពិតជាសមនឹងគ្នាណាស់ និងរង់ចាំតាមដានរឿងភាគនេះផងដែរ៕

JISOO spotted filming ‘Boyfriend On Demand’ in Cebu! pic.twitter.com/tiWwuK9Z8o

— jisoo (@jisoogaIIery) February 9, 2025

jisoo and seo inguk in cebu omg ? pic.twitter.com/cdRH3mZJUB

— jirene stan (@lipftkjs) February 8, 2025

ប្រភព៖: koreaboo

• រូបភាព
• តារាកូរ៉េ