ចេញសម្ពោធរឿងលើកដំបូង Lisa ស្លៀករ៉ូបដូចអាវប៉ាក់ ដើរលើកកម្រាលព្រំក្រហម

កម្សាន្រ៖ Lisa គឺជាសមាជិកក្រុមចម្រៀងនារី BLACKPINK ដែលនៅតែបន្តកេរ្តិ៍ឈ្មោះល្បីល្បាញ បើទោះជានាងបានចាកចេញពីផលិតកម្ម YG មកបង្កើតផលិតកម្មថ្មី LLOUD ក៏ដោយ។ ក្នុងនោះ នាងបានចេញបទចម្រៀងថ្មីៗជាច្រើន សុទ្ធតែទទួលសន្ទុះនៃការគាំទ្រ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក Lisa ក៏បានចាប់ផ្ដើមចាប់អាជីពជាតារាសម្ដែងផងដែរ ដោយលេចមុខនៅក្នុងរឿង "The White Lotus" រដូវកាលទី៣ ហើយកាលពីថ្ងៃទី១០ខែកុម្ភៈ កន្លងទៅនេះ Lisa បានលេចមុខលើកម្រាលព្រំក្រហម ក្នុងកម្មវិធីសម្ពោធរឿងនេះផងដែរ។

ក្នុងនោះនាងបានស្លៀករ៉ូបពណ៌ស មានប៉ាក់ៗមើលទៅទាន់សម័យផងនិងបុរាណលាយបញ្ចូលគ្នាផងជារ៉ូបដៃខ្លី មានម៉ូតដូចស្រទាប់ផ្កាត្រង់ចង្កេះ និងសម្រុងវែងអូសដី ពណ៌លឿងខ្ចី ហើយនាងបានផាត់មុខបែបសុភាពៗ និងចងសក់ពាក់កណ្ដាលក្បាលផងដែរ។ សម្រស់របស់នាងដើរលើកម្រាលព្រំក្រហមនេះត្រូវគេលើកុកមកជជែកថាពិតជាស្រស់ស្អាត មើលទៅសុភាពផងស្រគត់ស្រគុំផង ស័ក្តិសមនឹងតួអង្គដែលនាងសម្ដែងក្នុងរឿង "The White Lotus" នេះ៕  

ប្រភព៖: rain-mag

• រូបភាព
• តារាថៃ
• តារាអន្តរជាតិ