Tom Cruise ចេញមកកម្សាន្ត ជាមួយ តារាសម្ដែង ម្នាក់នេះ យ៉ាងមានក្ដីសុខ

កម្សាន្ត៖ តារាសម្តែង លោក Tom Cruise និង តារាសម្តែង Ana de Armas ដែលត្រូវបានគេស្គាល់ថា ជាអតីតគូស្នេហ៍របស់ លោក Ben Affleck បានចេញទៅញ៉ាំអាហារពេលល្ងាចជាមួយគ្នា យ៉ាងសប្បាយរីករាយ នៅថ្ងៃបុណ្យនៃក្តីស្រឡាញ់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាមគេហទំព័រ Dailymail តារាទាំងពីរ ត្រូវបានគេឃើញនៅភោជនីយដ្ឋានមួយ ក្នុងទីក្រុងឡុងដ៍ កាលពីថ្ងៃទី ១៤ ខែកុម្ភៈ។ Ana de Armas ដែលមានវ័យ ៣៦ ឆ្នាំ បានតុបតែងខ្លួន ពាក់​ខោ​ខូវប៊យ​ពណ៌​ខៀវ និង​អាវ​ធំ​ពណ៌​ខ្មៅ រួម​ជាមួយ​នឹងស្បែកជើងកែងពណ៌​លឿង​។ ចំណែកឯ Tom Cruise ហាក់មើលទៅ មានភាពក្មេងជាងវ័យ នៅក្នុងអាវពណ៌ប្រផេះ និងអាវធំពណ៌ខៀវ។

នៅពេលដែល Tom និង Ana បានចាកចេញពីភោជនីយដ្នាន អ្នកគាំទ្រជាច្រើន បានឡោមព័ទ្ធពួកគេ។ អ្នក​ទាំង​ពីរ​បាន​ញញឹម និង​បាន​ថត​រូប​ជាមួយ​អ្នក​គាំទ្រ បន្ទាប់​មក​ក៏​ឡើង​ឡាន​តាក់ស៊ី ​ដោយ​មាន​អាហារ​ពីរ​ថង់។ យ៉ាងណាមិញ រូបថត​របស់​តារា​ទាំង​ពីរ​កំពុង​ញ៉ាំ​អាហារ​ពេល​ល្ងាច​ក្នុង​ថ្ងៃ​បុណ្យ​នៃ​សេចក្តី​ស្រឡាញ់ ​បាន​បង្ក​ឱ្យ​មាន​ពាក្យ​ចចាមអារ៉ាម​ស្នេហា។ អ្នកតំណាង​ Tom Cruise និង Ana នៅ​មិន​ទាន់មានការ​ឆ្លើយ​តប​នៅ​ឡើយ​ទេ ​នៅ​ពេល​សួរ​អំពី​ទំនាក់​ទំនង​របស់​ពួក​គេ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ